Fasteignagjöld 2024
![](/static/news/md/isa-smidjugata-1.jpg)
Álagningarseðlar fasteignagjalda 2024 hafa verið birtir á þjónustugátt Ísafjarðarbæjar og á minarsidur.island.is. Greiðsluseðlar verða sendir út í framhaldinu. Sundurliðun fasteignagjalda er eingöngu aðgengileg á álagningarseðli en ekki á greiðsluseðli.
Frekari upplýsingar um álagningu fasteignagjalda og greiðslufyrirkomulag má finna í samantekt um fasteignagjöld.
Fasteignagjöld eru innheimt mánaðarlega, fyrir utan fasteignagjöld sem eru 45.000 kr. eða lægri, þau eru innheimt með einum gjalddaga, 15. apríl.
Nánari upplýsingar og aðstoð við að:
- fá senda greiðsluseðla fyrir fasteignagjöldum
- fá senda álagningarseðla
- senda inn erindi vegna fasteignagjalda
má fá með því að senda fyrirspurn á fasteignagjold@isafjordur.is eða í síma 450 8000.
Fasteignamat er framkvæmt af Húsnæðis- og mannvirkjastofnun og hækkaði um 14,2% í Ísafjarðarbæ frá árinu 2023. Ef fasteignamat íbúðarhúsnæðis er skoðað eftir byggðakjörnum þá hækkaði fasteignamatið mest í sérbýli á Þingeyri, eða um 41,0%.
Matssvæði íbúðarhúsnæðis |
% breyting fyrir sérbýli |
% breyting fyrir fjölbýli |
Ísafjörður: Eldri byggð |
15,7% |
15,5% |
Ísafjörður: Nýrri byggð |
7,8% |
24,4% |
Hnífsdalur |
29,0% |
23,0% |
Suðureyri |
6,3% |
4,2% |
Flateyri |
34,0% |
18,8% |
Þingeyri |
41,0% |
24,1% |
Hornstrandir |
0,0% |
0,0% |
Fasteignagjöld sveitarfélagsins eru lögð árlega á flestar fasteignir í sveitarfélaginu sem metnar eru fasteignamati samkvæmt fasteignaskrá. Hlutfall fasteignaskatts lækkar á íbúðarhúsnæði árið 2024 og verður 0,54% af hús- og lóðarmati. Hlutfall fasteignaskatts af öðrum fasteignum verður áfram 1,65% af hús- og lóðarmati. Heildarhækkun tekna vegna fasteignagjalda árið 2024 er 8,54% miðað við tekjur ársins 2023. Fasteignagjöld 2024 eru áætluð 967 m.kr.
Hægt er að fá aðstoð eða gera athugasemdir við innheimtu með því að senda tölvupóst á innheimta@isafjordur.is eða hringja í síma 450 8000.
Kærufrestur á álagningu er til 28. febrúar 2024.