Íþrótta og leikjanámskeið 2024
Ísafjarðarbær býður upp á íþrótta- og leikjanámskeið fyrir þau börn sem eru að ljúka 1.-4. bekk í grunnskóla, fædd 2014-2017.
Námskeiðin verða á eftirfarandi dögum:
10.-14. júní: 6.000 kr.
18.-21. júní: 5.000 kr.
24.-28. júní: 6.000 kr.
Skráning og greiðsla fer fram í gegnum vefform.
Skráningu lýkur kl. 16:00 á fimmtudeginum fyrir námskeiðið sem hefst í vikunni á eftir. Þar sem skipta þarf þátttakendum upp í minni hópa er nauðsynlegt að allar skráningar séu komnar inn í kerfið á réttum tíma. Gætið að réttum netföngum þar sem dagskrá vikunnar og mikilvægar upplýsingar eru sendar með tölvupósti á foreldra/forráðamenn áður en námskeiðið hefst.
Námskeiðin eru alla virka daga frá kl. 9-12. Krakkarnir geta fengið vistun frá kl. 8:30 án skipulagðrar dagskrár.
Dagskrá hverrar viku er mismunandi.
Börn í 1.-2. bekk fara í leiki, fjöruferðir, hjólaferðir, fjallgöngur, sund, ýmsar íþróttagreinar prófaðar og margt fleira. Mæting fyrir 1.-2. bekk er við íþróttahúsið á Torfnesi.
Fyrir börn í 3.-4. bekk er dagskráin ólík eftir vikum, þegar nær dregur koma frekari upplýsingar um hvað fer fram í hverri viku.
Á öllum námskeiðunum er nesti borðað um miðjan morgun og koma allir með hollt og gott nesti að heiman.
Rétt er að taka fram að öll eru velkomin á íþrótta- og leikjanámskeið Ísafjarðarbæjar.
Nánari upplýsingar veitir Dagný Finnbjörnsdóttir, íþrótta- og æskulýðsfulltrúi, netfang: dagnyf@isafjordur.is.
Yfirþjálfarinn Daniel Badu sér um skipulag og þjálfun.
Fleiri sumarnámskeið fyrir börn og unglinga má finna á lifid.isafjordur.is.