Bæjarráð

Verkefnalisti bæjarráðs kynntur.

Lagt fram minnisblað Bryndísar Óskar Jónsdóttur, sviðsstjóra stjórnsýslu- og fjármálasviðs, dags. 23. október 2020, þar sem lagt er til að bæjarstjórn samþykki að taka lán hjá Lánasjóði sveitarfélaga að höfuðstól allt að kr. 500.000.000, vegna framkvæmda ársins 2021 og afborgana eldri lána, í samræmi við viðauka 14, sem samþykktur var á 463. fundi bæjarstjórnar þann 15. október 2020, og veiti Birgi Gunnarssyni, bæjarstjóra, umboð til undirritunar lánasamnings.

Jafnframt lagður fram lánasamningur sveitarfélagsins við Lánasjóð sveitarfélaga, til samþykktar og undirritunar.

Lagt er fram minnisblað frá Birgi Erni Birgissyni lögfræðingi Consensa, dags. 21. oktober 2020, þar sem farið er yfir samningsstöðu Ísafjarðarbæjar m.t.t. beinna innkaupa eða að hefja útboðsferli að nýju vegna fjölnota knattspyrnuhúss á Torfnesi.

Lagt er til við bæjarráð að taka afstöðu til minnisblaðs um hvernig áframhaldandi vinnu skuli háttað.

Lagt er fram minnisblað Axel R. Överby, sviðsstjóra umhverfis- og eignasviðs, dags. 15. okt. 2020, vegna fyrirspurnar Nannýar Örnu Guðmundsdóttur, f.h. Í-listans sem lögð fram fram á 1124. fundi bæjarráðs, þann 5. október 2020.

Lagt fram minnisblað Axels R. Överby, sviðsstjóra umhverfis- og eignasviðs, dags. 23. október 2020, varðandi töku tilboða í snjómokstur.

Lagður er fram tölvupóstur frá Ómari Guðmundssyni f.h. Nýjatúns ehf., dags. 14. okt. sl., þar sem óskað er eftir þvi að gefnir verði út lóðaleigusamningar vegna framkvæmda við Tungubraut 2-8, jafnframt er kynnt minnisblað Axels R. Överby, sviðsstjóra umhverfis- og eignasviðs, dags. 15. október 2020, auk minnisblaðs sviðsstjóra dags. 23. október 2020.

Málinu var frestað á 1126. fundi bæjarráðs, þann 20. október 2020.

Lagt er fram minnisblað Axel Rodriguez Överby, sviðsstjóra umhverfis- og eignasviðs dags. 21. okt. 2020, með tillögu um að bæjarstjórn samþykki kauptilboð í íbúð 0303 í Sindragötu 4a, Ísafirði.

Lagt fram minnisblað Birgis Gunnarssonar, bæjarstjóra, dags. 22. október 2020, vegna öryggishnappa á Hlíf og víðar, þar sem lagt er til hvernig framhald þjónustunnar verði háttað.

Lagt fram bréf Ragnars Ágústs Kristinssonar, f.h. Amazing Westfjords, dags. 16. september 2020, þar sem óskað er lækkunar á hafnargjöldum vegna verkefnaskorts í heimsfaraldri.

Lögð fram til kynningar þarfagreining vegna safngeymslumála Byggðasafns, Skjalasafns og Listasafns, dags. 7. október 2020, unnin af Guðfinnu M. Hreiðarsdóttur, forstöðumanni Skjala- og ljósmyndasafns Ísafjaðar, og Jónu Símoníu Bjarnadóttur, forstöðumanni Byggðasafns Vestfjarða, vegna beiðnar sem fram kom á 153. fundi atvinnnu- og menningarmálanefndar þann 17. september 2020.

Á 154. fundi atvinnu- og menningarmálanefndar, þann 22. október 2020, var þarfagreiningin lögð fram og efirfarandi bókað:

„Nefndin þakkar góða greiningu og leggur áherslu á að nauðsynlegt sé að finna framtíðarlausn fyrir safngeymslur sveitarfélagsins.

Málinu vísað til bæjarráðs.“

Lagður fram tölvupóstur Kormáks Axelssonar, f.h. stjórnskipunar- og eftirlitsnefnd Alþingis, dags. 20. október 2020, þar sem Ísafjarðarbæ er sent til umsagnar frumvarp til laga um breytingu á lögum um kosningar til Alþingis, nr. 24/2000 (jöfnun atkvæðavægis), 27. mál.
Umsagnarfrestur er til 3. nóvember nk.

Lagður fram tölvupóstur Kormáks Axelssonar, f.h. allsherjar- og menntamálanefndar Alþingis, dags. 20. október 2020, þar sem Ísafjarðarbæ er send til umsagnar tillaga til þingsályktunar um upplýsingamiðlun um heimilisofbeldismál, 85. mál.

Umsagnarfrestur er til 3. nóvember nk.

Lagður fram tölvupóstur Sigrúnar Helgu Sigurjónsdóttur, f.h. velferðarnefndar Alþingis, dags. 21. október 2020, þar sem Ísafjarðarbæ er sent til umsagnar frumvarp til laga um almannatryggingar (hækkun lífeyris), 25. mál.
Umsagnarfrestur er til 10. nóvember nk.

Lagður fram tölvupóstur Sigrúnar Helgu Sigurjónsdóttur, f.h. velferðarnefndar Alþingis, dags. 22. október 2020, þar sem Ísafjarðarbæ er sent til umsagnar frumvarp til laga um almannatryggingar (skerðing á lífeyri vegna búsetu), 28. mál.

Umsagnarfrestur er til 11. nóvember nk.

Lagður fram tölvupóstur Sigrúnar Helgu Sigurjónsdóttur, f.h. umhverfis- og samgöngunefndar Alþingis, dags. 22. október 2020, þar sem Ísafjarðarbæ er sent til umsagnar frumvarp til laga um fjarskipti, 209. mál.
Umsagnarfrestur er til 5. nóvember nk.

Lagður fram til kynningar tölvupóstur og bréf Minjastofnunar Íslands, dags. 21. október 2020, þar sem auglýst er eftir umsóknum um styrki úr húsafriðunarsjóði 2021. Umsóknarfrestur er til 1. desember 2020.

Úr húsafriðunarsjóði eru m.a. veittir styrkir til sveitarfélaga til að vinna tillögur að verndarsvæði í byggð, í samræmi við ákvæði laga nr. 87/2015 og reglugerðar nr. 575/2016 um verndarsvæði í byggð og til verkefna innan verndarsvæða í byggð.

Jafnframt verða veittir styrkir úr húsafriðunarsjóði til viðhalds og endurbóta á friðlýstum og friðuðum húsum og mannvirkjum, og öðrum húsum og mannvirkjum, sem hafa menningarsögulegt, vísindalegt eða listrænt gildi, svo og byggingarsögulegra rannsókna, þar með talið skráningu húsa og mannvirkja, og miðlun upplýsinga um þær.

Lagt fram til kynningar tölvupóstur votlendissjóðs, dags. 11. október 2020, þar sem tilkynnt er um að endurheimt votlendis á Kirkjubóli í Korpudal lauk þann 12. október 2020.
Fram kemur að svæðið sem hefur verið endurheimt er 24 hektarar að stærð. Með framkvæmdinni er stöðvuð árleg losun uppá 480 tonn af koltvísýringi. Það er sambærileg losun og kemur frá 240 nýlegum fólksbílum á einu ári. Uppsöfnuð endurheimt þessa svæðis til átta ára er 3.840 tonn og það munar um minna í baráttunni við loftslagsvandann

Lögð fram til kynningar umsögn Aðalsteins Óskarssonar, sviðsstjóra byggðaþróunar hjá Vestfjarðastofu, um fjárlög 2021, dags. 22. október 2020, þar sem greinir frá eindregnu ákalli til stjórnvalda að landshlutinn lendi nú ekki enn og aftur í þeirri stöðu að dregið verði úr fjárfestingum á Vestfjörðum. Samkeppnisstaða landshlutans sé skekkt vegna stöðu innviða, þ.e. afhendingaröryggis raforku, vegakerfis, gagnaflutnings, fjarskipa, hafna og flugvalla auk ofanflóðavarna. Áhrif þessa á daglegan rekstur atvinnulífs og samfélaga koma fram í aukakostnaði til lengri tíma í flutningi afurða, að sækja þjónustu, kaupa aðföng o.s.frv. Á sama tíma eru tækifæri á grundvelli nýsköpunar mörg, en nauðsynlegt er að ríkisstjórnin hugi að fjárfestingum í landshlutanum.

Lagður er fram tölvupóstur Vals Rafns Halldórssonar, f.h. Sambands íslenskra sveitarfélaga, dags. 17. október sl., ásamt fundarboði Karls Björnssonar, framkvæmdastjóra, dags. 16. október sl., á 35. landsþing Sambands íslenskra sveitarfélaga sem haldið verður 18. desember nk.

Lagður fram tölvupóstur Vals R. Halldórssonar, f.h. Sambands íslenskra sveitarfélaga, dags. 21. október 2020, ásamt fundargerð 889. fundar stjórnar Sambands íslenskra sveitarfélaga, sem haldinn var föstudaginn 16. október sl.

Lögð fram til kynningar fundargerð 154. fundar atvinnu- og menningarmálanefndar, sem haldinn var 22. október 2020.

Fundargerðin er í fimm liðum.

Lögð fram til kynningar fundargerð 420. fundar fræðslunefndar, sem haldinn var 22. október 2020.

Fundargerðin er í þremur liðum.

Lögð fram til kynningar fundargerð 214. fundar íþrótta- og tómstundanefndar, sem haldinn var 21. október 2020.

Fundargerðin er í sex liðum.

Lögð fram til kynningar fundargerð 451. fundar velferðarnefndar, sem haldinn var 1. október 2020.

Fundargerðin er í tveimur liðum.