Skipulags- og mannvirkjanefnd

Lagður fram tölvupóstur Sigrúnar H. Sigurjónsdóttur, f.h. atvinnuveganefndar Alþingis, dags. 21. jan. 2021, þar sem Ísafjarðarbæ er sent til umsagnar frumvarp til laga um jarðalög (einföldun regluverks, vernd landbúnaðarlands, upplýsingaskyldu o.fl), 375. mál.

Umsagnarfrestur er til og með 10. febrúar nk.

Á 1138. fundi bæjarráðs, dags. 25. janúar 2021, var málinu vísað til skipulags- og mannvirkjanefndar.

Lagðar fram tvær tillögur vegna deiliskipulagsvinnu í Dagverðardal undir frístundahús, unnið af Verkís í janúar 2021.

Lögð fram drög að viðbragðsáætlun Slökkviliðs Ísafjarðarbæjar vegna gróðurelda í Tunguskógi, frá Sigurði Arnari Jónssyni, slökkviliðsstjóra, dagsett í júní 2020.

Lögð fram fyrirspurn um matsskyldu frá Verkís þar sem óskað er eftir mati nefndarinnar á því hvort fyrirhuguð framkvæmd við landfyllingu við Brjótinn á Suðureyri sé háð mati á umhverfisáhrifum.
Fylgigögn eru:
Landfylling við Brjótinn á Suðureyri. Skýrsla Verkís ehf. dags. janúar 2021.

Lagt fram erindi Helenu Jónsdóttur, verkefnastjóra á Flateyri, f.h. Jóhönnu Kristjánsdóttur og Katrínar Bjarkar Guðjónsdóttur, dags. 13. janúar 2021, þar sem óskað er eftir vilyrði sveitarfélagsins fyrir notkun á lóðinni við Unnarstíg 1 á Flateyri, og svæði í kringum hana, þar sem fyrirhugað er að setja upp upplifunar- og margmiðlunarsýningu um nóttina örlagaríku árið 1995, þegar snjóflóð féll á íbúðarhúsið sem stóð við Unnarstíg 1, en verkefnið hefur hlotið styrk til fyrsta þáttar verksins.

Á 1137. fundi bæjarráðs, þann 18. janúar 2021, vísaði bæjarráð málinu til afgreiðslu í skipulags- og mannvirkjanefnd.

Lagður er fram deiliskipulagsuppdráttur ásamt greinargerð, unnið af Verkís ehf, dags. 19. nóv. 2020. Um er að ræða breytingu á deiliskipulagi Eyrarinnar á Ísafirði, dags. 16. okt. 1997, og felur í sér uppskiptingu eignalóðar við Sundstræti 36 og afmörkun á leigulóð Ísafjarðarbæjar undir bílastæði tengt starfsemi í húsi Kerecis, Sundstræti 36.

Á 545. fundi skipulags- og mannvirkjanefndar, sem fram fór þann 14. október 2020, lagði nefndin til við bæjarstjórn að samþykkja að umsækjandi fái lóð undir fiskþurrkunarhjall að Stefnisgötu 4, Suðureyri, skv. umsókn með þeim reglum sem í gildi eru og settar kunna að verða.
Erindinu var vísað aftur til skipulags- og mannvirkjanefndar af 464. fundi bæjarstjórnar þann 5. nóvember 2020.

Valdimar Jónsson fh. Hjálms fasteigna ehf. sækir um lóðina Hafnarbakka 1, Flateyri undir fyrirhugað atvinnuhús. Fylgiskjöl eru:
Undirrituð umsókn dags. 22. jan. 2021.
Mæliblað tæknideildar frá 21. jan. 2021.

Rörás ehf, kt. 6602100400, óskar eftir staðfestingu á lóðamörkum fyrir Suðurtanga 7. Málið var tekið fyrir á 77. fundi umhverfisnefndar 27. janúar 1999 en aldrei staðfest.
Fylgiskjöl eru uppdráttur dags. 12. jan. 1999 ásamt afriti af deiliskipulagi Suðurtanga frá 2014 þar sem merkt er inn núverandi samþykkt lóðamörk.

Eggert Þór Kristófersson f.h. Festar ehf. sækir um endurnýjun á lóðarleigusamningi fyrir fasteignina F211-9630, Hafnarstræti 6 á Ísafirði. Fylgigögn er undirrituð umsókn dags. 10. des. 2020 og mæliblað tæknideildar dags. 8. jan. 2021. Erindi var frestað á 551. fundi í skipulags-og mannvirkjanefnd.

Lagt fram nýtt mæliblað fyrir Vallargötu 5 á Flateyri eftir að deiliskipulagsbreyting vegna sameiningar lóðanna Vallargötu 3b og Vallargötu 5 var samþykkt á 459. fundi bæjarstjórnar þann 18. júní 2020.
Fylgiskjöl er mæliblað Tæknideildar frá 8. janúar 2021 og drög að lóðarleigusamningi.

Ragnheiður Halla Ingadóttir og Ólafur Kristján Skúlason, eigendur fasteignarinnar að Vallargötu 31 á Þingeyri, sækja um endurnýjun á lóðarleigusamningi.
Fylgigögn eru:
Undirrituð umsókn dags. 20.01.2021
Mæliblað Tæknideildar frá 25.01.2021