Bæjarráð

Lagt fram bréf Sigríðar Auðar Arnardóttur og Hafsteins Pálssonar, f.h. Ofanflóðanefndar, dagsett 9. október sl., þar sem beiðni Ísafjarðarbæjar um fjárstuðning og sérfræðiaðstoð vegna Hádegissteins er samþykkt. Ofanflóðanefnd mun óska eftir því við Framkvæmdasýslu ríkisins að hún annist það að fá nauðsynlega ráðgjöf til að eyða hættunni sem af steininum stafar og haldi utan um framkvæmdina í samvinnu við Ísafjarðarbæ og starfsmann Ofanflóðasjóðs.

Lögð fram bókun bæjarráðs Ísafjarðarbæjar frá 987. fundi ásamt minnisblaði frá Sædísi Maríu Jónatansdóttur um niðurgreiðslu á námskeiðum fyrir eldri borgara.

Nefndin leggur til við bæjarstjórn Ísafjarðarbæjar að gert verði ráð fyrir kr. 100.000,- vegna niðurgreiðslu á námskeiðum fyrir eldri borgara sem ekki eru á vinnumarkaði. Úrræðið bókist á fjárhagsaðstoð.

Lagt fram minnisblað Margrétar Halldórsdóttur, sviðsstjóra skóla- og tómstundasviðs, þar sem fram koma útreikningar vegna aukinna umsvifa Tónlistarskóla Ísafjarðar.

Lagður fram tölvupóstur Telmu Halldórsdóttur, f.h. Sambands Íslenskra sveitarfélaga, dagsettur 12. október sl., þar sem kynnt eru næstu skref í undirbúningsvinnu vegna innleiðingar nýrrar persónuverndarlöggjafar á árinu 2018.

Lagður fram tölvupóstur Sifjar Huldar Albertsdóttur, verkefnastjóra Byggðasamlags Vestfjarða um málefni fatlaðs fólks, dagsettur 10. október sl., ásamt bréfi sem sent var til allra aðildarsveitarfélaga BsVest, dagsettu 9. október sl., um tillögu Ísafjarðarbæjar um að gerast leiðandi sveitarfélag í málaflokki fatlaðs fólks á Vestfjörðum. Því er beint til sveitarstjórna aðildarsveitarfélaga BsVest að taka til umfjöllunar tillögu Ísafjarðarbæjar um að gerast leiðandi sveitarfélag.

Lagður fram tölvupóstur Sigríðar Láru Gunnlaugsdóttur, framkvæmdastjóra Héraðssambands Vestfirðinga, dagsettur 13. október sl., með ályktun stjórnar HSV vegna líkamsræktaraðstöðu í Ísafjarðarbæ.
Á stjórnarfundi HSV 4. október sl., og formannafundi, var eftirfarandi ályktun samþykkt.

"Héraðssamband Vestfirðinga hvetur bæjaryfirvöld til að vinna áfram að því að tryggja aðgang almennings á Ísafirði að líkamsræktaraðstöðu. Mikilvægt er að slíkt aðgengi sé tryggt til skamms tíma en einnig að fundin verði framtíðarlausn á þessum málum. Gott aðgengi að líkamsræktaraðstöðu allt árið um kring er afar brýnt fyrir heilsu og lífsgæði íbúanna."

Lagður er fram tölvupóstur Sigríðar K. Þorgrímsdóttur, þróunarsviði Byggðastofnunar, dags. 11. október sl., þar sem farið er yfir fyrstu skref verkefnisins Brothættar byggðir sem hefst á Þingeyri í vetur.

Lagt er fram minnisblað Þórdísar Sifjar Sigurðardóttur, bæjarritara, dags. 13. október, með tillögum að umsóknum um styrki til framkvæmdasjóðs ferðamannastaða.

Kynnt er minnisblað Gísla Halldórs Halldórssonar, bæjarstjóra, dags. 13. október sl., þar sem gerð er grein fyrir tilboði Félagsvísindastofnunar Háskóla Íslands í íbúakönnun vegna Sundhallarinnar 2017.

Daníel Jakobsson, bæjarfulltrúi sjálfstæðisflokks, leggur fram eftirfarandi spurningar varðandi hönnunarsamkeppni um endurbætur á Sundhöll Ísafjarðar.

- Hvað hefur verið mikið greitt þar, beint og óbeint?
- Hverjar eru fyrirætlanir meirihlutans í því máli?
- Þarf að greiða verðlaunafé aftur ef ekkert verður gert?

Lagt er fram minnisblað Gísla H. Halldórssonar, dags. 13. október sl., með svörum við fyrirspurnum.

Daníel Jakobsson, bæjarfulltrúi sjálfstæðisflokks, óskar eftir að grein verði gerð fyrir stöðu eftirfarandi mála hvað varðar húsnæði héraðsskjalasafns.

- Viðskiptabanki leigusala heimilaði ekki breytingar á leigsamningi. Hefur Ísafjarðarbær samþykkt veðsetningu á þessum samningi?
- Bæjarstjóri hefur ítrekað haldið því fram að ekkert hafi verið greitt. Gott væri að fá nákvæma útlistun á þeim greiðslum sem inntar hafa verið af hendi af okkar hálfu og undirstofnanna (Byggðasafni).

Lagt er fram minnisblað Gísla H. Halldórssonar, dags. 13. október sl., með svörum við fyrirspurnum.

Lögð er fram til kynningar fundargerð 153. fundar barnaverndarnefndar á norðanverðum Vestfjörðum, sem haldinn var 12. október sl. Fundargerðin er í 1 fundarlið.

Lögð er fram til kynningar fundargerð 485. fundar skipulags- og mannvirkjanefndar sem haldinn var 11. október sl. Fundargerðin er í 7 liðum.

Lögð er fram fundargerð 420. fundar félagsmálanefndar sem haldinn var 10. október. Fundargerðin er í 8 liðum.