Bæjarráð
Fundargerðir hverfisráða Ísafjarðarbæjar, auk fundargerða fastanefnda, starfshópa og annarra nefnda sveitarfélagsins af fundum sem haldnir voru til og með ársins 2017 má finna undir aðrar fundargerðir
Dagskrá
1.Kvennafrí 2016 - Kjarajafnrétti strax! - 2016100046
Lagður er fram til kynningar tölvupóstur Þórðar Hjaltested, formanns Kennarasambands Íslands frá 20. október sl. ásamt minnisblaði Sædísar Jónatansdóttur og Þórdísar Sifjar Sigurðardóttur um kynbundinn launamun.
2.Ofanflóðavarnir neðan Gleiðarhjalla, framkvæmdaleyfi. - 2013030023
Frágangur á ofanflóðavörnum neðan Gleiðarhjalla.
Umræður voru um ofanflóðagarð 4a, sem ekki var skipulagður sem göngustígur og því varúðarskilti við ofanflóðagarðinn.
Bæjarráð felur sviðsstjóra umhverfis- og eignasviðs að bæta aðgengi og setja viðeigandi merkingar við ofanflóðagarðana svo nýta megi svæðið betur til útivistar.
Bæjarráð felur sviðsstjóra umhverfis- og eignasviðs að bæta aðgengi og setja viðeigandi merkingar við ofanflóðagarðana svo nýta megi svæðið betur til útivistar.
Gestir
- Brynjar Þór Jónasson, sviðsstjóri umhverfis- og eignasviðs - mæting: 08:20
3.Sindragata 4b - umsókn um stofnframlag. - 2016100023
Lagt er fram afrit af umsókn Ísafjarðarbæjar um stofnframlög ríkisins til bygginga á almennum íbúðum sem send var Íbúðalánasjóði 14. október sl. Sveitarfélag þarf að samþykkja veitingu stofnframlags sveitarfélagsins áður en umsóknin er endanlega afgreidd frá Íbúðarlánasjóði.
Bæjarráð felur bæjarstjóra að undirbúa tillögu til bæjarstjórnar til að staðfesta að sveitarfélagið muni taka þátt í byggingu almennra íbúða.
Brynjar Þór Jónasson yfirgefur fundinn kl. 9:00.
4.Heillaóskaskeyti í tilefni af afmæli Ísafjarðarbæjar - 2016090058
Einar Skúlason göngugarpur og leiðandi í Wappinu, göngu appi, ætlar að ganga frá Reykjavík til Ísafjarðar seinni hlutann í október og þræðir gamlar þjóðleiðir eins og hægt er á leiðinni. Einar gerir ráð fyrir að afhenda Ísafjarðarbæ heillaóskaskeyti í tilefni af afmæli bæjarins þegar hann kemst á leiðarenda.
Lagt fram til kynningar.
5.Úttekt á reglum um rekstrarleyfi gististaða - 2016060047
Lagt er fram uppfært minnisblað Þórdísar Sifjar Sigurðardóttur, bæjarritara, dags. 21. október sl. um gistirými í Ísafjarðarbæ auk tillagna að reglum um umsagnir við umsóknir um rekstrarleyfi gististaða.
Bæjarráð leggur til við bæjarstjórn að reglurnar verði samþykktar.
6.Starfshópur um framtíðarskipan komu skemmtiferðaskipa - 2016090040
Lagðar eru fram tilnefningar frá Samtökum fyrirtækja í sjávarútvegi og Ferðamálasamtökum Vestfjarða um fulltrúa í starfshópinn.
Lagt fram til kynningar.
7.Fjárhagsáætlun 2017 - 2016020047
Lögð eru fram drög að rekstrareikningi Ísafjarðarbæjar 2017, ásamt sundurliðaðri rekstraráætlun og rekstraryfirliti.
Lagt fram til kynningar.
Edda María Hagalín yfirgaf fundinn kl. 9:32.
Gestir
- Edda María Hagalín, fjármálastjóri - mæting: 09:11
8.Hafnarstjórn - 187 - 1610013F
Lögð er fram fundargerð 187. fundar hafnarstjórnar sem haldinn var 21. október sl., fundargerðin er í 2 liðum.
Lagt fram til kynningar.
-
Hafnarstjórn - 187 Hafnarstjórn leggur til við bæjarstjórn að farþegagjöld verði hækkuð í þremur áföngum upp í 130 krónur og að árið 2017 verði farþegagjald fyrir hvern fullorðinn farþega 75 krónur. Hafnarstjórn leggur jafnframt til að stofnaður verði sérstakur uppbyggingar- og framkvæmdasjóður sem úthluti til uppbyggingarverkefna í hafnsækinni ferðaþjónustu, þar sem einstaklingar, fyrirtæki og félagasamtök geti sótt um úthlutun. Þessi uppbyggingar- og framkvæmdasjóður verður fjármagnaður með hluta farþegagjalda. Árið 2017 renna 25 krónur af farþegagjaldi á hvern farþega í þennan sjóð. Hlutfallið verði endurskoðað árlega.
Hafnarstjórn leggur til 3,9% almenna hækkun á gjaldskrá hafnarsjóðs.
Fundi slitið - kl. 09:36.
Er hægt að bæta efnið á síðunni?
"Kynbundinn launamunur er algjörlega ólíðandi og honum ber að útrýma. Það er sorgleg staðreynd að atvinnutekjur kvenna eru aðeins 70,3% af meðal atvinnutekjum karla. Konur eru því með 29,7% lægri meðal atvinnutekjur en karlar nú árið 2016. Víða um land ætla konur að skunda út af vinnustöðum sínum í dag, 24. október, kl. 14:38 og mótmæla kynbundnum launamun. Samkvæmt þeim launamun sem mælist eru konur búnar að vinna fyrir sínum launum eftir 5 klukkustundir og 38 mínútur miðað við fullan vinnudag frá kl. 9-17.
Þegar þróun kynbundins launamunar er skoðuð má sjá að konur hafa grætt hálftíma á síðustu ellefu árum, tæpar þrjár mínútur á hverju ári. Með þessu áframhaldi þurfa konur að bíða til ársins 2068 eftir að hafa sömu laun og sömu kjör og karlar.
Bæjarráð Ísafjarðarbæjar hvetur fyrirtæki og stofnanir til að taka ábyrga afstöðu með jafnrétti og ekki aðeins gefa konum frí eða loka vinnustöðum til að konur geti tekið þátt í baráttunni, heldur útrýma kynbundnum launamun með virkum aðgerðum, sem þrátt fyrir lög um jafna stöðu og jafnan rétt kvenna og karla hefur ekki verið náð.
Samkvæmt launakönnun sem framkvæmd var á árinu 2014 var ekki marktækur kynbundinn launamunur hjá Ísafjarðarbæ, þegar búið var að tala tillit til starfs, aldurs, álags og vakta- og yfirvinnu. Ísafjarðarbær hefur sett sér jafnréttisstefnu sem stofnunum sveitarfélagsins ber að fylgja.
Ísafjarðarbær samþykkir ekki kynbundinn launamun."