Bæjarráð

Lagt fram minnisblað Smára Karlssonar, verkefnastjóri, dags. 22. ágúst 2024, um lóðamál á Suðurtanga 24, en umhverfis- og og eignasvið óskar eftir heimild bæjarráðs til að fara í jarðvegsskipti á svæðinu. Ekki er gert ráð fyrir framkvæmdinni í fjárhagsáætlun.

Lagt fram til kynningar samþykkt styrktarumsókn umhverfis- og eignasviðs um fráveitustyrk fyrir framkvæmdina "Fráveita á Þingeyri og uppsetning hreinsistöðvar". Styrktarumsóknin var lögð fram til Umhverfis-, orku- og loftslagsráðuneytisins og hefur nú hlotið jákvæða niðurstöðu.

Lagt fram til samþykktar minnisblað Bryndísar Óskar Jónsdóttur, sviðsstjóra stjórnsýslu- og fjármálasviðs, og Eddu Maríu Hagalín, fjármálastjóra, dags. 28. ágúst 2024, varðandi forsendur fjárhagsáætlunar Ísafjarðarbæjar 2025.

Lagt fram til samþykktar uppfært ferli fjárhagsáætlunar 2025, þar sem m.a. er lagt til að fyrir umræða bæjarstjórnar færist fram um viku, og verði 31. október 2024, og að fundur bæjarstjórnar verði þ.a.l. færður fram um viku (frá 7. nóvember 2024).

Lagður fram til samþykktar viðauki 05 við fjárhagsáætlun Ísafjarðarbæjar vegna hlutdeildar í Fab Lab vorönn 2024, en vegna biðar eftir nýjum samningum um Fab Lab var ekki gert ráð fyrir kostnaði við Fab Lab í fjárhagsáætlun 2024, en Grunnskólinn á Ísafirði nýtti aðstöðuna á vorönn 2024, auk þess sem frír aðgangur er fyrir íbúa Ísafjarðarbæjar, í samræmi við eldri samning.

Áhrif viðaukans á rekstrarniðurstöðu samstæðu Ísafjarðarbæjar er kr. 1.934.371,-.
Áhrif viðaukans á sveitasjóð A hluta er neikvæð kr. 1.934.371 og lækkar því rekstrarafgangur úr kr. 186.218.188 í kr. 184.283.817
Áhrif viðaukans á samantekin A og B hluta er neikvæð kr. 1.934.371 og lækkar því rekstrarafgangur í kr. 503.565.629-.

Tillaga bæjarstjóra um að bæjarstjórn samþykki að veita Stúdentagörðum Háskólaseturs Vestfjarða hses., kt. 511022-0880, leyfi til að veðsetja lóðina að Fjarðarstræti 20, Ísafirði, og þær 40 almennu íbúðum sem þar standa, fnr. 211-9499, með 1. veðrétti fyrir veðskuldabréfi (leiguíbúðaláni), dags. 14. desember 2023, að fjárhæð kr. 649.750.309, vísitölutryggt (gr. 603,5). Kröfuhafi skv. veðskuldabréfinu er Húsnæðissjóður kt. 581219-2100.

Tillaga bæjarstjóra um að bæjarstjórn samþykki að veita Stúdentagörðum Háskólaseturs Vestfjarða hses., kt. 511022-0880, leyfi til að veðsetja lóðina að Fjarðarstræti 20, Ísafirði, og þær 40 almennu íbúðum sem þar standa, fnr. 211-9499, með 1. veðrétti fyrir veðskuldabréfi (leiguíbúðaláni), dags. 27. ágúst 2024, að fjárhæð kr. 32.000.000, vísitölutryggt (gr. 603,5). Kröfuhafi skv. veðskuldabréfinu er Húsnæðissjóður kt. 581219-2100.

Lagður fram til kynningar tölvupóstur Valgerðar Rúnar Benediktsdóttur f.h. Sambands íslenskra sveitarfélaga, dagsettur 26. ágúst 2024, þar sem upplýst er að Sambandið hafi birt á vef sínum þrennar nýjar leiðbeiningar til sveitarfélaga. Um er að ræða leiðbeiningar um mat á hæfi, leiðbeiningar um notkun rafrænna undirskrifta og leiðbeiningar um meðferð ágangsfjár.

Á 1275. fundi bæjarráðs þann 4. mars 2024 var lagður fram til samþykktar samningur um sérfræðiráðgjöf, vinnslu mála og stjórnun í almennri félagsþjónustu og móttöku flóttamanna milli Ísafjarðarbæjar og Súðavíkurhrepps, en samningurinn gildir frá staðfestingu ráðuneytisins, að fenginni staðfestingu sveitarstjórna Ísafjarðarbæjar og Súðavíkurhrepps, en samningurinn byggir á samstarfi síðustu ára en er hér formlega staðfestur, eftir gildistöku Velferðarþjónustusamnings Vestfjarða.

Í kjölfar samþykktar bæjarráðs var óskað staðfestingar ráðuneytisins á honum sem hefur lagt til við sveitarfélögin að lagfæra nokkur atriði tengt orðalagi um málefni flóttafólks.

Er því lagður fram til samþykktar uppfærður samningur um sérfræðiráðgjöf, vinnslu mála og stjórnun í almennri félagsþjónustu milli Ísafjarðarbæjar og Súðavíkurhrepps.

Lagt fram til kynningar minnisblað Helgu Sigríðar Hjálmarsdóttur, launafulltrúa, dagsett 23. ágúst 2024, vegna launakostnaðar fyrir janúar til júlí 2024.

Lögð fram til kynningar tilkynning frá óbyggðanefnd um framlengdan kröfulýsingarfrest landeigenda til 2. desember 2024 vegna eyja og skerja.

Lögð fram til kynningar fundargerð 17. fundar fjallaskilanefndar, en fundur var haldinn 21. ágúst 2024.

Fundargerðin er í 1 lið.