Bæjarráð

Lagt fram minnisblað Axels R. Överby, sviðsstjóra umhverfis- og eignasviðs, dags. 2. desember 2021, varðandi ákvörðun um næstu skref breytinga á fjórðu hæð Hlífar 1. Jafnframt lagður fram uppdráttur vegna breytinga innra fyrirkomulags á hæðinni.

Lögð fram drög að samningi við Fiskeldissjóð vegna úthlutunar sjóðsins fyrir verkefnið „Endurnýjun vatnslagnar í Staðardal,“ en óskað er eftir heimild bæjarstjórnar um undirritun bæjarstjóra.

Lögð fram umsókn Garðars Sigurgeirssonar f.h. Skeiðs ehf., vegna umsóknar um 12% stofnframlag vegna nýbyggingar fjölbýlishúss í sveitarfélaginu, en stofnvirði framkvæmdarinnar er kr. 46.077.610. Jafnframt lagt fram minnisblað Axels R. Överby, sviðsstjóra umhverfis- og eignasviðs, dags. 2. desember 2021, vegna málsins.

Lagt fram erindi Aðalsteins Óskarssonar, f.h. Fjórðungssambands Vestfirðinga, dags. 3. desember 2021, um tillögu til bæjarstjórnar Ísafjarðarbæjar um skipan varmanns í stjórn Fjórðungssambandsins.

Lagður fram tölvupóstur Thelmu E. Hjaltadóttur f.h. Lögreglustjórans á Vestfjörðum, dagsettur 30. nóvember 2021, þar sem umsagnar Ísafjarðarbæjar er óskað vegna flugeldasölu og flugeldasýninga björgunarsveita sveitarfélagsins um áramótin. Meðfylgjandi eru umsóknir frá Björgunarsveitinni Sæbjörgu á Flateyri, Dýra á Dýrafirði, Björg á Suðureyri, Tindum í Hnífsdal og Björgunarfélagi Ísafjarðar.

Lagður fram til kynningar tölvupóstur Sifjar Kröyer f.h. Margrétar Hauksdóttur, forstjóra Þjóðskrár, dagsettur 30. nóvember 2021, þar sem kynnt er að Þjóðskrá Íslands og Samband íslenskra sveitarfélaga hafi sammælst um að ráðast í verkefni um endurgerð álagningarkerfis fasteignagjalda. Miðað er við að nýtt álagningarkerfi verði tekið í notkun í ársbyrjun 2023.

Jafnframt lögð fram til kynningar skýrsla Þjóðskrár um fólk og fasteignir, dags. í desember 2021.

Lagt fram til kynningar minnisblað Sigurðar Ármanns Snævarr f.h. Sambands íslenskra sveitarfélaga, dagsett 1. desember 2021, um nýútkomna endurskoðaða þjóðhagsspá Hagstofu Íslands og áhrif á forsendur fjárhagsáætlana sveitarfélaga.

Lagt fram til kynningar bréf Karls Björnssonar, framkvæmdastjóra Sambands íslenskra sveitarfélaga, dagsett 30. nóvember 2021, vegna breytinga á barnaverndarlögum og breyttu skipulagi barnaverndar. Breytingarnar taka gildi að loknum sveitarstjórnarkosningum þann 28. maí 2021.

Lagt fram til kynningar bréf Karls Björnssonar, framkvæmdastjóra Sambands íslenskra sveitarfélaga, dagsett 30. nóvember 2021, þar sem sveitarfélög eru hvött til að hefja undirbúning fyrir gildistöku lagabreytinga um úrgangsmál.

Lögð fram til kynningar fundargerð hornstrandanefndar frá 26. nóvember 2021.

Lögð fram til kynningar fundargerð 903. fundar stjórnar Sambands íslenskra sveitarfélaga, sem haldinn var 26. nóvember 2021.

Fundargerð 228. fundar íþrótta- og tómstundanefndar lögð fram til kynningar, en fundur var haldinn 1. desember 2021.

Fundargerðin er í tveimur liðum.

Fundargerð 113. fundar umhverfis- og framkvæmdanefndar lögð fram til kynningar, en fundur var haldinn 30. nóvember 2021.

Fundargerðin er í einum lið.