Bæjarráð

Verkefnalisti bæjarráðs kynntur.

Sigríður Ó. Kristjánsdóttir, framkvæmdastjóri Vestfjarðastofu, mætir til mánaðarlegs samráðsfundar Vestfjarðastofu og bæjarráðs.

Lagt fram til kynningar minnisblað Ásgerðar Þorleifsdóttur, deildarstjóra launadeildar, og Eddu Maríu Hagalín, fjármálastjóra, dags. 3. desember 2020, þar sem teknar eru saman upplýsingar um skatttekjur og laun fyrir janúar til október 2020.

Baldur Ingi Jónasson, mannauðsstjóri mætir til fundar til að kynna niðurstöður rýni stjórnenda á jafnlaunakerfi Ísafjarðarbæjar.
Fylgiskjöl eru minnisblað mannauðsstjóra, dags. 10. desember 2020 og fundargerð af fundi stjórnenda, dags. 9. desember 2020.

Lagt fram bréf Axel Rodriguez Överby, sviðsstjóra umhverfis- og eignasviðs, dagsett 10. des., 2020 þar sem lagt er til að að samið verði við Steypustöð Ísafjarðar á grundvelli tilboðs þeirra í verkið „Suðurtangi 14 - Hreinsun lóðar“.

Lagt er fram bréf Axel Rodriguez Överby, sviðsstjóra umhverfis- og eignasviðs, dags. 10. des. sl., vegna verksins „Suðurtangi lagnir áfangi II“ þar sem lagt er til að samið verði við Þotuna ehf., á grundvelli tilboðs þeirra.

Kynnt er minnisblað Eyþórs Guðmundssonar, innkaupa- og tæknistjóra , dags. 8. desember 2020, ásamt opnunarskýrslu og tilboðsgögnum vegna örútboðs á endurskoðunarþjónustu innan rammasamninga.

Lagt fram erindi Sædísar Ólafar Þórsdóttur, formanns Hverfisráðs Súgandafjarðar, dags. 7. desember 2020, þar sem lagðar eru fram óskir og tillögur íbúa á Suðureyri um breytingar á snjómokstursáætlun í þorpinu.

Lagt fram til kynningar bréf samgöngu- og sveitarstjórnarráðuneytisins, dags. 4. nóvember 2020, þar sem óskað er umsagnar sveitarfélagsins um efni kvörtunar, sem ráðuneytinu barst frá bæjarfulltrúa, og afrit af gögnum málsins. Framlengdur frestur til svara er 7. desember 2020.

Jafnframt lagt fram til kynningar svarbréf Ísafjarðarbæjar, unnið af Axel R. Överby, sviðsstjóra umhverfis- og eignasviðs, og Bryndísi Ósk Jónsdóttur, sviðsstjóra stjórnsýslu- og fjármálasviðs, dags. 7. desember 2020, ásamt fylgigögnum.

Lagt er fram minnisblað Hlyns Kristinssonar, forstöðumanns skíðasvæða Ísafjarðarbæjar, vegna bilunar í eldri snjótroðara skíðasvæðis.

Lagður fram viðauki 20 við fjárhagsáætlun 2020, en bæjarstjóra var falið að gera viðauka vegna málsins á 1133. fundi bæjarráðs þann 7. desember 2020.

Áhrif viðaukans á rekstrarniðurstöðu samstæðu Ísafjarðarbæjar er kr. 0,-

Áhrif viðaukans á sveitasjóð A hluta er kr. 0, eða óbreytt rekstrartap kr. -372.442.288,-.

Áhrif viðaukans á samantekinn A og B hluta er kr. 0,- eða óbreytt rekstrartap kr. -379.384.175,-.

Lagðar eru fram verkfundagerðir frá Verkís, nr. 7,8,9 og 10 vegna endurnýjunar loftræstikerfis í Stjórnsýsluhúsi.

Lagðar eru fram verkfundagerðir Verkís, nr. 2 og 3 vegna framkvæmda við lóð Eyrarskjóls

Á 217. fundi íþrótta- og tómstundanefndar, þann 2. desember 2020, var eftirfarandi bókað: „Íþrótta- og tómstundanefnd leggur til að breyta afslætti á árskorti á skíðasvæði úr 20% í 50% fyrir einstaklinga með virkt árskort í sundi sem fjármálastjóri lagði til í minnisblaði. Aflsáttur á árskorti kemur í staðinn fyrir súperpassa sem detta út úr gjaldskrá 2021. Lagt er til sérverð fyrir öryrka og ellilífeyrisþega á árskorti í sundi. Íþrótta- og tómstundanefnd leggur til við bæjarráð að samþykka gjaldskrá íþróttamannvikja fyrir árið 2021.“

Lögð fram til kynningar fundargerð 173. fundar barnaverndarnefndar sem fram fór þann 2. júlí 2020.
Fundargerðin er í einum lið.

Lögð fram til kynningar fundargerð 174. fundar barnaverndarnefndar sem fram fór þann 17. ágúst 2020.
Fundargerðin er í tveimur liðum.

Lögð fram til kynningar fundargerð 175. fundar barnaverndarnefndar sem fram fór þann 18. september 2020.
Fundargerðin er í tveimur liðum.

Lögð fram til kynningar fundargerð 176. fundar barnaverndarnefndar sem fram fór þann 29. september 2020.
Fundargerðin er í einum lið.

Lögð fram til kynningar fundargerð 177. fundar barnaverndarnefndar sem fram fór þann 6. október 2020.
Fundargerðin er í einum lið.

Lögð fram til kynningar fundargerð 178. fundar barnaverndarnefndar sem fram fór þann 8. október 2020.
Fundargerðin er í þremur liðum.

Lögð fram til kynningar fundargerð 179. fundar barnaverndarnefndar sem fram fór þann 20. nóvember 2020.
Fundargerðin er í einum lið.

Lögð fram til kynningar fundargerð 217. fundar hafnarstjórnar sem fram fór þann 8. desember 2020.
Fundargerðin er í þremur liðum.

Lögð fram fundargerð 549. fundar skipulags- og mannvirkjanefndar sem fram fór þann 9. desember 2020.
Fundargerðin er í fjórum liðum.