Bæjarráð

Verkefnalisti bæjarráðs kynntur.

Kynntur tölvupóstur Andreu Gylfadóttur, Hebu Dísar Þrastardóttur og Ingibjargar Elínar Magnúsdóttur, f.h. Ísófit ehf., dags. 28. apríl 2020, þar sem óskað er eftir samstarfi og samráði við Ísafjarðarbæ starfsrækslu líkamsræktarstöðvar á Ísafirði.

Lagt fram til kynningar minnisbréf Stefaníu Helgu Ásmundsdóttur, sviðsstjóra skóla- og tómstundasviðs, dags. 8. maí 2020, vegna sumaropnunar leikskóla.

Lögð fram til kynningar drög að ársreikningum B-hluta stofnana Ísafjarðarbæjar 2019, fyrir hafnarsjóð, þjónustumiðstöð og eignasjóð.

Lögð fram til kynningar jafnlaunastefna Ísafjarðarbæjar, vegna jafnlaunavottunar sveitarfélagsins.
Baldur Ingi Jónasson, mannauðsstjóri, kynnir fyrir bæjarfulltrúum fyrirhugaða jafnlaunavottun og jafnlaunakerfi sveitarfélagsins.

Kynntur tölvupóstur Maríu Hildar Maack, verkefnastjóra hjá Náttúrustofu Vestfjarða, dags. 6. maí 2020, vegna umhverfisvottunar Vestfjarða, Earth Check, en óskað er upplýsinga um fulltrúa í grænt teymi, að unnið verði að áætlun um aðgerðir og áhættumati vegna vottunarinnar.

Lagður fram tölvupóstur frá Örnu Láru Jónsdóttur, bæjarfulltrúa Í-listans, dags. 4. apríl 2020, þar sem óskað er svara vegna eftirfarandi atriða er varða snjómokstur:
1. Hver er kostnaður Ísafjarðarbæjar við snjómokstur fyrstu þrjá mánuði ársins, skipt niður á mánuði?
2. Hvernig skiptist þessi kostnaður milli byggðakjarna innan Ísafjarðarbæjar?
3. Hver hlutur tækja í eigu Ísafjarðarbæjar á Ísafirði annars vegnar og verktaka í snjómokstri á Ísafirði hins vegar.
4. Hver var kostnaður vegna snjómoksturs á göngustígum.
5. Er kostnaður vegna mokstur og hreinsunar vegna snjóflóðsins á Flateyri sundurliðaðir sérstaklega og er hægt að sækja þann kostnað til ríkisins?

Lagður fram til kynningar tölvupóstur og tillaga Örnu Láru Jónsdóttur, bæjarfulltrúa Í-listans, dags. 6. maí 2020, þar sem óskað er eftir að tillaga um gerð hjólastígs í Hafnarstræti og Aðalstræti á Ísafirði, verði tekin á dagskrá bæjarráðs.

Lagður fram til kynningar tölvupóstur og bréf Bryndísar Óskar Jónsdóttur, sviðsstjóra stjórnsýslu- og fjármálasviðs, dags. 6. maí 2020, þar sem forsætisráðuneytinu eru sendar umbeðnar upplýsingar um samantekt beins kostnaðar Ísafjarðarbæjar, vegna snjóflóðanna á Flateyri þann 14. janúar sl.

Kynntur tölvupóstur Sifjar Huldar Albertsdóttur, framkvæmdastjóra BsVest, dags. 30. apríl 2020, auk þess sem lagðir eru fram til samþykktar samstarfs- og þjónustusamningar milli Ísafjarðarbæjar og Byggðasamlags Vestfjarða um málefni fatlaðs fólks ásamt þremur viðaukum.

Kynntur tölvupóstur Sifjar Huldar Albertsdóttur, framkvæmdastjóra BsVest, dags. 30. apríl sl., þar sem veittar eru upplýsingar og óskað eftir upplýsingum um tilgreindan kostnað vegna starfseminnar.

Kynntur tölvupóstur Eyþórs Jóvinssonar, f.h. Gamanmyndahátíðarinnar á Flateyri, dags. 5. maí 2020, þar sem óskað er eftir að Ísafjarðarbær geri langtímastyrktarsamning við Gamanmyndahátíðina.

Lagður fram til kynningar tölvupóstur Jóhannesar Á. Jóhannesarsonar, f.h. Sambands íslenskra sveitarfélaga, dags. 7. maí 2020, ásamt uppfærðum gögnum frá Vinnumálastofnun, þar sem upplýst er um fjölda þeirra sem hafa nýtt sér heimild er varðar minnkandi starfshlutfall og hlutfall atvinnuleysis, eftir landshlutum.

Lögð fram umsagnarbeiðni Guðrúnar E. Þorvaldsdóttur f.h. Sýslumannsins á Vestfjörðum, dags. 18. mars 2020, vegna rekstrarleyfis gististaðs í flokki IV, fyrirtækisins Hótels Sandafells að Hafnarstræti 7 á Þingeyri.

Lögð fram umsagnarbeiðni Guðrúnar E. Þorvaldsdóttur f.h. Sýslumannsins á Vestfjörðum, dags. 21. janúar 2020, vegna rekstrarleyfis gististaðar í flokki II, fyrirtækisins F&S hópferðabíla að Aðalstræti 26 á Þingeyri.

Lagður fram tölvupóstur Kormáks Axelssonar, skjalaritara, f.h. nefndasviðs Alþingis, dagsettur 30. apríl sl., þar sem Ísafjarðarbæ er sent til umsagnar frumvarp til laga um breytingu á ýmsum lögum er varða eignarráð og nýtingu fasteigna (aðilar utan Evrópska efnahagssvæðisins, landeignaskrá, ráðstöfun landeigna, aukið gagnsæi o.fl.), 715. mál. Umsagnarfrestur er til 21. maí 2020.

Lagður fram tölvupóstur Kormáks Axelssonar, skjalaritara, f.h. nefndasviðs Alþingis, dags. 6. maí 2020, þar sem Ísafjarðarbæ er sent til umsagnar frumvarp til laga um breytingu á barnalögum, nr. 76/2003, með síðari breytingum (skipt búseta barns), 707. mál. Umsagnarfrestur er til 26. maí 2020.

Lagður fram tölvupóstur Sigrúnar Helgu Sigurjónsdóttur, skjalaritara, f.h. nefndasviðs Alþingis, dags. 6. maí 2020, þar sem Ísafjarðarbæ er sent til umsagnar frumvarp til aga um svæðisbundna flutningsjöfnun (niðurlagning flutningsjöfnunarsjóðs olíuvara), 734. mál. Umsagnarfrestur er til 20. maí 2020.

Lagður fram tölvupóstur Kormáks Axelssonar, skjalaritara, f.h. nefndasviðs Alþingis, dags. 8. maí 2020, þar sem Ísafjarðarbæ er sent til umsagnar frumvarp til laga um samvinnuverkefni um vegaframkvæmdir, 662. mál. Umsagnarfrestur er til 22. maí 2020.

Lagður fram til kynningar tölvupóstur Vals Rafns Halldórssonar, sviðsstjóra rekstrar- og útgáfusviðs Sambands íslenskra sveitarfélaga, dags. 30. apríl sl., ásamt fundargerð 882. fundar stjórnar Sambands íslenskra sveitarfélaga sem haldinn var föstudaginn 30. apríl sl.

Lögð fram fundargerð 208. fundar íþrótta- og tómstundanefndar, sem fram fór 6. maí 2020. Fundargerðin er í þremur liðum.

Lögð fram fundargerð 7. fundar starfshóps um skipulag útivistarsvæða í Tungudal og Seljalandsdal, sem fram fór 5. maí 2020. Fundargerðin er í þremur liðum.

Lögð fram fundargerð 447. fundar velferðarnefndar, sem fram fór 7. maí 2020. Fundargerðin er í fjórum liðum.