Vefbókanir viðtalstíma hjá starfsfólki Ísafjarðarbæjar

Opnað hefur verið fyrir tímabókanir á vef Ísafjarðarbæjar fyrir viðtalstíma hjá starfsfólki velferðarsviðs og umhverfis- og eignasviðs. Þannig geta íbúar sjálfir fundið hentugan viðtalstíma milliliðalaust. Áfram verður þó hægt að bóka tíma í gegnum síma 450 8000 fyrir þau sem það kjósa.

Velferðarsvið

Viðtalstímar eru í boði hjá starfsfólki velferðarsviðs alla virka daga milli kl. 13:00 og 15:00. Hægt er að bóka bæði stað- og fjarfund í gegnum bókunarvefinn og hægt að velja viðkomandi starfsmann eftir því hvert erindið er. 

Bóka tíma á velferðarsviði

Nánar má lesa um þjónustu velferðarsviðs með því að smella á hlekkina hér fyrir neðan:

• Barnavernd
• Eldri borgarar
• Félagsleg úrræði
• Fólk með fötlun

Umhverfis- og eignasvið

Viðtalstímar eru í boði hjá starfsfólki umhverfis- og eignasviðs alla virka daga milli kl. 13:00 og 15:00. Tímabókanir hjá starfsfólki sviðsins tryggja að hægt sé að veita þá þjónustu sem óskað er eftir á sem sneggstan hátt, því þannig getur starfsfólk undirbúið fundinn og fundið til öll viðeigandi gögn.

Eins og á velferðarsviði er hægt að bóka bæði stað- og fjarfund í gegnum bókunarvefinn og hægt að velja viðkomandi starfsmann eftir því hvert erindið er.

Bóka tíma á umhverfis- og eignasviði

Nánar má lesa um þjónustu umhverfis- og eignasviðs með því að smella á hlekkinn hér fyrir neðan:

• Þjónusta umhverfis- og eignasviðs