Stóri plokkdagurinn 2023

Stóri plokkdagurinn fer fram sunnudaginn, 30. apríl. 

Ísafjarðarbær hvetur íbúa og starfsfólk fyrirtækja í sveitarfélaginu til að skella sér út að plokka í sínu næsta nágrenni eða á öðrum vel völdum svæðum. Hægt verður að nálgast glæra poka til verksins í öllum bæjarkjörnum og skilja fulla poka eftir á fyrir fram ákveðnum stöðum, sem listaðir eru hér fyrir neðan.

Flateyri

Pokar verða á Vagninum. Fulla ruslapoka má skilja eftir við glergáminn við sundlaugina.

Hnífsdalur

Pokar verða við gamla barnaskólann. Fulla ruslapoka má skilja eftir við:

• Gamla barnaskólann
• Bakkaskjól
• Félagsheimilið

Ísafjörður

Pokar verða á Silfurtorgi, við sparkvöllinn í Holtahverfi og við glergáminn við Bónus. Fulla ruslapoka má skilja eftir við:

• Glergáminn á Landsbankaplaninu
• Sparkvöllinn í Holtahverfi
• Glergáminn við Bónus

Suðureyri

Á Suðureyri verður plokkað á laugardeginum 29. apríl og farið í árlega vorhreinsun Stefnis í leiðinni. Pokar verða hjá Svövu Rán og verður tekið við rusli við gámabílinn.

Þingeyri

Pokar verða í afgreiðslu sundlaugarinnar, opið frá 10-16. Fulla ruslapoka má skilja eftir við glergáminn á sama stað.