Starfshópur um skipulag og starfsumhverfi í leikskólum Ísafjarðarbæjar settur á fót

Stofnaður hefur verið starfshópur sem falið er að greina og skoða skipulag og starfsumhverfi í leikskólum Ísafjarðarbæjar og leggja fram tillögur að breytingum á skipulagi leikskólastarfs sem leitt geta til framtíðarumbóta og stöðugleika í starfsumhverfi barna og starfsfólks leikskóla.

Starfsfhópurinn heyrir beint undir skóla-, íþrótta- og tómstundanefnd og eru verkefni hans meðal annars að:

• Greina núverandi stöðu leikskólastarfs með tilliti til gæða faglegs starfs, starfsánægju og stöðugleika í starfsumhverfi bæði barna og starfsfólks.
• Skoða nýtingu leikskólaplássa og meta mögulegar leiðir til breytinga á núverandi skipulagi leikskólastarfs.
• Greina íbúafjölda með tilliti til fjölgunar barna frá 12 mánaða í Ísafjarðarbæ næstu fimm árin með tilliti til núverandi innviða.
• Útfæra og sammælast um tillögur sem lagðar verða fyrir skóla-, íþrótta-, og tómstundanefnd Ísafjarðarbæjar.

Hugmynd um stofnun starfshópsins var rædd á 456. fundi fræðslunefndar þann 14. september 2023 og þann 23. nóvember lagði nefndin til við bæjarstjórn að skipa starfshópinn.

Í minnisblaði um tillöguna kemur fram að miklar breytingar hafi átt sér stað í starfsumhverfi leikskóla á undanförnum árum, meðal annars með tilkomu nýrra kjarasamninga, styttingu vinnuvikunnar og með inntöku barna niður í 12 mánaða aldur.

Í minnisblaðinu segir einnig: „Almenn ánægja er með fyrirkomulag vinnustyttingar í leikskólum Ísafjarðarbæjar en vissulega hefur álagið aukist á móti að mati leikskólastjórnenda. Veikindi starfsfólks í leikskólum eru tíðari en á öðrum stofnunum sveitarfélagsins og erfitt hefur reynst að ráða nýtt fólk til starfa á haustin. Nauðsynlegt er að bregðast við þessari þróun til að efla leikskólana enn frekar, bæta starfsumhverfi, stöðugleika og öryggi barna og starfsfólks.“

Fulltrúar í starfshópnum eru:

Starfshópurinn skal ljúka störfum fyrir lok maí 2024, en fyrr ef því verður komið við.

Erindisbréf