Ragnar Högni Guðmundsson er nýr forstöðumaður skíðasvæðis Ísafjarðarbæjar
![](/static/news/md/ragnar.jpg)
Ragnar Högni Guðmundsson hefur verið ráðinn forstöðumaður skíðasvæðis Ísafjarðarbæjar og mun hann hefja störf nú á haustdögum.
Ragnar er iðnmeistari í stálsmíði frá Tækniskólanum (Meistaraskólanum) í Reykjavík 2018, en öðlaðist sveinspróf í stálsmíði nokkru fyrr frá Menntaskólanum á Ísafirði 2013. Hann lauk jafnframt B stigi vélstjórnarnáms frá Menntaskólanum á Ísafirði 2011 og er með vinnuvélaréttindi.
Ragnar starfaði sem stálsmiður hjá 3X Technology á árunum 2011-2015 og í sama starfi hjá Stálnaust tímabilið frá 2015-2018. Hann starfaði sjálfstætt sem stálsmiður tímabilið 2018-2019 en gerðist svo vélvirki hjá Þrym ehf frá 2019 til 2022. Undanfarið hefur Ragnar starfað á skíðasvæði Ísafjarðarbæjar þar sem hann hefur m.a. annast viðhald og viðgerðir, snjótroðslu, umsjón verkstæðis og önnur störf. Þá hefur Ragnar sinnt formennsku í Félagi járniðnaðarmanna á Ísafirði frá 2019, í svæðisstjórn björgunarsveita á svæði 7 frá 2020 og í slysavarnardeildinni Hjálp í Bolungarvík frá 2021.
Við bjóðum Ragnar hjartanlega velkominn til starfa!