Óskað eftir tilboðum í rekstur líkamsræktarstöðvar á Ísafirði
![](/static/news/md/1693925200_likamsraekt.jpg)
Ísafjarðarbær óskar eftir áhugasömum og metnaðarfullum aðila til að sjá um rekstur líkamsræktarstöðvar á Ísafirði frá og með 1. nóvember 2023, til þriggja ára.
Rekstraraðili skal hafa yfir að ráða húsnæði með aðstöðu fyrir líkamsræktartæki- og búnað sveitarfélagsins, að lágmarki 200 m2, auk aðstöðu fyrir annars konar líkamsrækt í sal fyrir hópaþjálfun, svo og búningsaðstöðu með sturtum og salernum. Rekstraraðili skal sjá um rekstur og minniháttar viðhald búnaðar sveitarfélagsins.
Rekstraraðili skal bjóða upp á alhliða líkamsrækt fyrir öll aldursstig íbúa sveitarfélagsins, en sveitarfélagið óskar sérstaklega eftir að rekstraraðili bjóði upp á aðstöðu og/eða þjálfun í tækjasal og hópasal fyrir leikskólabörn, grunnskólabörn, Hvestu hæfingarstöð og slökkvilið Ísafjarðarbæjar, eftir nánara samkomulagi við hvern hóp.
Rekstraraðili skal jafnframt bjóða upp á aðstöðu og/eða þjálfun fyrir aðra hópa samfélagsins, s.s. meðgöngu- og mæðraþjálfun, ungmenna á afreksíþróttabraut Menntaskólans á Ísafirði, íþróttafélaga HSV og hreystiþjálfun eldri borgara.
Verðfyrirspurnargögn verða afhent í tölvupósti frá og með 5. september 2023.
Vinsamlegast sendið tölvupóst til Eyþórs Guðmundssonar, innkaupa- og tæknistjóra Ísafjarðarbæjar, á netfangið eythorgu@isafjordur.is. Svör við fyrirspurnum verða birt í tölvupósti á alla sem fengu verðfyrirspurnina senda í upphafi. Öll samskipti við kaupanda og bjóðendur á útboðstíma varðandi þetta útboð eru í höndum umsjónaraðila útboðsins.
Helstu dagsetningar:
Verðfyrirspurn auglýst á vef Ísafjarðarbæjar |
5. september 2023 |
Fyrirspurnarfrestur |
25. september 2023 |
Skilafrestur: |
2. október 2023 |
Afhendingartími þjónustu: |
1. nóvember 2023 |