Óskað eftir tilboðum í lagnir og burðarlag á Kríutanga og bílastæði á Suðurtanga

Ísafjarðarbær óskar eftir tilboðum í verkið Kríutangi og bílastæði á Suðurtanga, lagnir og burðarlag.

Um er að ræða gerð nýrrar götu, Kríutanga og hluta af Hrafnatanga með niðurfallalögnum og niðurföllum, styrkar- og burðarlagi undir malbik. Í Hrafnatanga skal jafnframt leggja vatnslögn og holræsalagnir. Gerð bílastæða við Kríutanga fyrir rútur, leggja niðurfallalagnir ásamt styrktar- og burðarlagi.

Helstu stærðir eru:

• Gröftur í götustæði 3800 m³
• Holræsalagnir 990 m
• Styrktarlag 2400 m³
• Burðarlag 1200 m³

Verkinu skal vera að fullu lokið þann 6. ágúst 2024.

Útboðsgögn verða afhent í tölvupósti: aj@verkis.is til þeirra sem þess óska frá og með 9. apríl 2024.

Tilboðin verða opnuð í fundarsal Ísafjarðarbæjar í Stjórnsýsluhúsinu, 2. hæð, 26. apríl 2024 klukkan 11.00 að viðstöddum þeim bjóðendum sem þess óska.