Nýja gólfið á Torfnesi

Framkvæmdir við lagningu nýs gólfs í íþróttahúsinu á Torfnesi hófust á síðustu helgi. Gamla gólfið var rifið upp með rótum, ef svo má að orði komast, og ekki hætt fyrr en komið var ofaní stein. Þá voru lagðir kubbar eftir kúnstarinnar reglum eins og sjá má á þessari mynd sem Grétar Helgason forstöðumaður tók. Næst verða lagðir leiðarar ofaná með dempurum og svo parket, en þessu verður öllu lokið á sólstöðum þann 21. desember. Þegar starfsmenn hafa fengið hóflegt frí yfir það allra heilagasta verður gólfið merkt og lakkað, en húsið verður tilbúið fyrir allt mögulegt sprikl í síðasta lagi 10. janúar.