Maðurinn sem minnkaði vistsporið sitt
Heimildarmyndin „Maðurinn sem minnkaði vistsporið sitt“ verður sýnd í Ísafjarðarbíói klukkan 16 á morgun, þriðjudag. Myndin fjallar um Sigga og baráttu hans við að lifa sjálfbæru lífi í ósjálfbæru samfélagi. Við fylgjumst með Sigga reyna að ná vistspori sínu inn fyrir mörk sjálfbærninnar en það er fátt í íslensku samfélagi sem styður slíka baráttu. En er það hægt? Nær Siggi takmarkinu?
Magnús og Siggi sem framleiddu myndina verða á staðnum og með pallborðsumræður að sýningu lokinni. Siggi hefur unnið mikið í að reikna út vistspor miðað við íslenskar aðstæður og því tilvalið að demba á hann spurningum.
Því hefur verið fleygt fram að Íslendingar séu meðal alverstu umhverfissóða, en hvað erum við að gera sem er verra en hjá öðrum þegar kemur að umhverfismálum? Hvað skiptir mestu máli, að hverju eigum við að einbeita okkur fyrst? Telur mikið að flokka rusl eða hætta að nota umbúðir? Eða telur meira að hætta að nota bíl eða borða minna kjöt?
Myndin verður sýnd þriðjudaginn 30. maí klukkan 16.00, í Ísafjarðarbíói. Enginn aðgangseyrir og allir velkomnir - líka krakkar og unglingar.
Myndin er sýnd að frumkvæði Hildar Dagbjartar Arnardóttur í samstarfi við Ísafjarðarbíó með stuðningi frá Gámaþjónustu Vestfjarða, Kubbi ehf. og Ísafjarðarbæ.
Hér má sjá brot úr myndinni:
FB viðburður: