Lögheimilisskráning vegna sveitarstjórnakosninga

Laugardaginn 5. maí 2018 er viðmiðunardagur kjörskrár vegna kosninga til sveitarstjórna sem hafa verið auglýstar þann 26. maí nk. Þetta þýðir að íbúar þurfa að uppfæra lögheimilisskráningu sína í síðasta lagi föstudaginn 4. maí eigi breytingin að hafa áhrif á það hvar fólk hefur kosningarétt. 

Kosningarétt við sveitarstjórnarkosningarnar þann 26. maí n.k.  eiga allir íslenskir ríkisborgarar sem náð hafa 18 ára aldri á kjördag og sem skráðir eru með lögheimili í viðkomandi sveitarfélagi þremur vikum fyrir kjördag. Íslenskir ríkisborgarar sem stunda nám á Norðurlöndunum og sem þurft hafa að flytja lögheimili sitt þangað vegna ákvæða samnings Norðurlandanna um almannaskráningu, glata ekki kosningarétti sínum vegna þess. Að því sögðu skal minnt á nýtt fyrirkomulag þar sem námsmenn á Norðurlöndunum þurfa nú að tilkynna sig og senda staðfestingu á námi til Þjóðskrár Íslands til þess að vera skráðir á kjörskrá, https://www.skra.is/um-okkur/frettir/frett/2018/02/15/Skraning-namsmanna-a-Nordurlondum-a-kjorskra/

Einnig eiga kosningarétt danskir, finnskir, norskir og sænskir ríkisborgarar sem átt hafa lögheimili hér á landi í þrjú ár samfellt fyrir kjördag, sem og aðrir erlendir ríkisborgarar sem átt hafa lögheimili hér á landi í fimm ár samfellt fyrir kjördag, enda hafi þeir náð 18 ára aldri á kjördag og eiga skráð lögheimili í viðkomandi sveitarfélagi þremur vikum fyrir kjördag, https://www.stjornarradid.is/verkefni/kosningar/sveitarstjornarkosningar-2018/kjosendur-leidbeiningar/ .

Flutningur á lögheimili á milli sveitarfélaga og innan sveitarfélags, sem á sér stað eftir 5. maí  n.k. mun ekki hafa áhrif á útgefinn kjörskrárstofn og þurfa því tilkynningar um lögheimilisbreytingar að berast Þjóðskrá Íslands í síðasta lagi 4. maí eigi þær breytingar að verða skráðar í þjóðskrá fyrir viðmiðunardag.