Ljósin kveikt á Ísafirði og Suðureyri
02.12.2016
Fréttir
Ljósin verða tendruð á jólatrjánum á Ísafirði og Suðureyri á helginni. Á morgun, laugardag, hefst gleðin á jólatorgsölu Tónlistarskólans á Ísafirði klukkan 15.30. Korteri síðar spilar lúðrasveit skólans undir stjórn Madisar Mäekalle áður en Gunnhildur Elíasdóttir bæjarfulltrúi hugvekur gesti. Barnakór Tónlistarskólans syngur síðan nokkur lög undir stjórn Bjarneyjar Ingibjargar Gunnlaugsdóttur, en undirleikari er Dagný Arnalds.
Á sunnudag hefst dagskrá á Suðureyri klukkan 16. Hugvekju flytur Arna Lára Jónsdóttir, formaður bæjarráðs, og í kjölfarið syngur hópur lagvissra Súgfirðinga.