Íþrótta- og leikjanámskeið Ísafjarðarbæjar hefjast 10. júní
![](/static/news/md/leikjanamskeid.jpg)
Íþrótta- og leikjanámskeið Ísafjarðarbæjar hefjast 10. júní. Námskeiðin verða þrjú talsins og eru fyrir öll börn fædd 2014-2017.
Skráning og greiðsla fer fram í gegnum vefform.
Námskeiðin verða á eftirfarandi dögum:
10.-15. júní → Verð 6000 krónur
18.-21. júní → Verð 5000 krónur
24.-28. júní → Verð 6000 krónur
Skráningu lýkur kl. 16:00 á fimmtudeginum fyrir námskeiðið sem hefst í vikunni á eftir. Þar sem skipta þarf þátttakendum upp í minni hópa er nauðsynlegt að allar skráningar séu komnar inn í kerfið á réttum tíma. Gætið að réttum netföngum þar sem dagskrá vikunnar og mikilvægar upplýsingar eru sendar með tölvupósti á foreldra/forráðamenn áður en námskeiðið hefst.
Námskeiðin eru alla virka daga frá kl. 9-12. Krakkarnir geta fengið vistun frá kl. 8:30 án skipulagðrar dagskrár.
Um er að ræða hefðbundið námskeið fyrir börn í 1.-2. bekk þ.e, farið verður í leiki, fjöruferðir, hjólaferðir, fjallgöngur, sund, ýmsar íþróttagreinar prófaðar og margt fleira. Mæting fyrir 1.-2. bekk og er við Íþróttahúsið á Torfnesi.
Fyrir börn í 3.-4. bekk verður meðal annars farið í golf, klifur og fleiri fjölbreytt verkefni.
Á öllum námskeiðunum er nesti borðað um miðjan morgun og koma allir með hollt og gott nesti að heiman.
Rétt er að taka fram að öll eru velkomin á íþrótta- og leikjanámskeið Ísafjarðarbæjar. Nánari upplýsingar veita Daniel Badu yfirþjálfara íþróttaskólans og Dagný Finnbjörnsdóttir á netfanginu dagnyf@isafjordur.is.
Upplýsingar um fleiri sumarnámskeið fyrir börn og unglinga eru í rafrænni íbúahandbók Ísafjarðarbæjar, lifid.isafjordur.is.