Húsaleigubætur fyrir árið 2016

Fjölskyldusvið Ísafjarðarbæjar minnir á að um áramót þarf að endurnýja umsóknir á húsaleigubótum vegna ársins 2016. Umsókn skal berast í síðasta lagi þann 16. janúar 2016. Berist umsókn ekki fyrir þann tíma verða húsaleigubætur ekki greiddar fyrir þann mánuð.

Umsóknareyðublað vegna húsaleigubóta má finna á vefslóðinni:

http://www.isafjordur.is/eydublod/eydublod_skrar/skra/52/

Vakin er athygli á því að í 4. gr. reglugerðar um húsaleigubætur nr. 118/2003 segir: „Sækja þarf um húsaleigubætur fyrir hvert almanaksár og gildir umsóknin til ársloka. Umsókn um húsaleigubætur skal hafa borist sveitarfélagi eigi síðar en 16. dag fyrsta greiðslumánaðar. Berist umsókn síðar verða húsaleigubætur ekki greiddar vegna þess mánaðar.“

Fjölskyldusvið Ísafjarðarbæjar, Hafnarstræti 1, s. 450-8000.