Fyrsta bókaspjall haustsins

Laugardaginn 17. september kl 14:00 verður fyrsta bókaspjall haustsins á Bókasafninu. Dagskráin samanstendur af tveimur erindum.

Uppáhaldsbækurnar
Matthildur Helgadóttir Jónudóttir rekstrarstjóri Edinborgarhúss, listakona með meiru fjallar um bækur sem eru henni eftirminnilegar af ýmsum ástæðum. Sumar fyrir það hvað þær eru spennandi, vel skrifaðar eða snerta sálina, eða jafnvel gluggar hún í nokkrar vondar sem henni hefur ekki tekist að gleyma.

Bókasafnið í Hnífsdal
Bókasafn var starfrækt í Hnífsdal um nokkurra ára skeið. Sigríður Ó. Kristjánsdóttir, Hnífsdælingur og verkefnastjóri Nýsköpunarmiðstöðvar ætlar að rifja upp minningar um bókasafnið, hana Dísu á bókasafninu, bækur og sitthvað fleira tengt Hnífsdal.

Verið kærlega velkomin, heitt á könnunni.