Flateyri: Íbúafundur um árangur Flateyrarverkefnisins 15. nóvember

Hverfaráð Önundarfjarðar og verkefnisstjórn Flateyrarverkefnisins bjóða til íbúafundar um árangur Flateyrarverkefnisins í samkomuhúsinu á Flateyri þriðjudaginn 15. nóvember kl. 17.

Fundarstjóri er Arna Lára Jónsdóttir, bæjarstjóri.

Dagskrá:

1. 17.00-17.20: Staða verkefna sem hafa fengið styrk úr Flateyrarsjóði, verkefnastjóri
2. 17.20 - 17.50: Kynning á styrktum verkefnum:
1. Sjóböð í Holti, Runólfur Ágústsson
2. Smáspunaverksmiðja Önundarfirði, Sigríður Júlía Brynleifsdóttir
3. Skautasvell á Flateyri, Sunna Reynisdóttir
3. Örstutt kaffipása
4. 17.55 – 18.05: Staða aðgerða frá íbúafundi í september 2021, sjá Niðurstöður íbúaþings - Aðgerðir | Trello, verkefnastjóri
5. 18.05 – 18.35: Fundurinn metur árangur og svarar eftirfarandi spurningum í hópavinnu:
1. Hvernig hafa mál þróast síðan á íbúafundi 2021? Áfram, staðið í stað eða niður á við?
2. Er ástæða til að loka spjöldum eða breyta um litakóða á trellóborðinu ?
3. Hvað væri mikilvægast að ná fram í málafloknum á þeim skamma tíma sem eftir er af verkefninu?
6. 18.35 – 19.00: Niðurstöður hópa og framtíð verkefnisins.

Öll sem láta sig hagsmuni Önundarfjarðar varða eru hvött til að mæta!