Endurskoðun íþrótta- og tómstundastefnu – kallað eftir afstöðu íbúa
12.01.2023
Fréttir
Íþrótta- og tómstundanefnd Ísafjarðarbæjar kallar eftir athugasemdum frá íbúum sveitarfélagsins vegna endurskoðunar á gildandi íþrótta- og tómstundastefnu Ísafjarðarbæjar.
Íþrótta- og tómstundastefnan var samþykkt árið 2019, að undangenginni endurskoðun, og telur nefndin að tímabært sé að fara í endurskoðun á henni að nýju.
Gildandi stefna skiptist í fjóra hluta:
- Íþróttastarf barna og unglinga
- Lýðheilsa
- Tómstundastarf
- Keppnisíþróttir og afreksfólk
Íbúar geta kynnt sér stefnuna með því að smella á hlekkinn hér fyrir neðan. Athugasemdum skal skilað til sviðsstjóra skóla- og tómstundasviðs, Hafdísar Gunnarsdóttur, á netfangið hafdisgu@isafjordur.is. Frestur til að skila inn athugasemdum er til og með 31. janúar 2023.