Barnamenningarhátíðin Púkinn hefst í næstu viku

Barnamenningarhátíðin Púkinn, sem fram fer um alla Vestfirði, hefst mánudaginn 11. september og stendur til 22. september. Þetta er í fyrsta sinn sem slík hátíð er haldin á Vestfjörðum en vonir standa til að hátíðin sé sú fyrsta af mörgum.

Á Púkanum gefst vestfirskum börnum tækifæri að kynnast listum og menningu á fjölbreyttan hátt. Vestfjarðastofa leiðir verkefnið í samstarfi við grunnskóla og menningarstofnanir á svæðinu.

Viðburðir sem haldnir verða í Ísafjarðarbæ eru birtir á viðburðardagatali Ísafjarðarbæjar en dagskrána í heild sinni má skoða á vef hátíðarinnar, www.pukinnhatid.is. 

Hátíðin er styrkt af Barnamenningarsjóði.