Bæjarstjórn: Reykjavíkurflugvöllur mikilvægur hlekkur í tryggum samgöngum
![](/static/news/md/20151006-dsc08278_medium1600x1069.jpg)
Tekið var inn með afbrigðum mál um Reykjavíkurflugvöll á 514. fundi bæjarstjórnar Ísafjarðarbæjar sem haldinn var fimmtudaginn 4. maí. Ástæða þess að málið var tekið upp er að innviðaráðuneytið og Reykjavíkurborg hafa tekið ákvörðun um að hefjast skuli handa við jarðvegsframkvæmdir og undirbúning uppbyggingar í Nýja-Skerjafirði, á grundvelli niðurstaðna starfshóps sem ráðherra skipaði til að meta áhrif byggðarinnar á flug- og rekstraröryggi Reykjavíkurflugvallar.
Í bókun bæjarstjórnar kemur fram að það er bæði öryggis- og hagsmunamál að Reykjavíkurflugvöllur geti áfram þjónað því fjölbreytta hlutverki sem honum eru ætluð með tilliti til sjúkraflugs, aðgengi almennings að innviðum, atvinnulífs og uppbyggingu ferðaþjónustu á landsbyggðinni.
„Okkur fannst eðlilegt að bæjarstjórn segði skoðun sína á þessu máli,“ segir Arna Lára Jónsdóttir, bæjarstjóri. „Málið er ekki einfalt þar sem skipulagsvaldið yfir Vatnsmýri er hjá Reykjavíkurborg og ég er sammála því að sveitarfélög skuli hafa það vald yfir sínu landi. Hins vegar finnst flestum sjálfsagt að höfuðborgin eigi að þjóna öllu landinu. Málið væri ef til vill einfaldara ef það væru til lög sem segja hvað höfuðborg á að gera, eins og t.d. að gera ráð fyrir innanlandsflugvelli innan borgarmarkanna.“
Bókun bæjarstjórnar í heild sinni: