Auglýsing um breytingartillögur á Aðalskipulagi Ísafjarðarbæjar 2008-2020

Bæjarstjórn Ísafjarðarbæjar auglýsir hér með tillögur að breytingum á Aðalskipulagi Ísafjarðarbæjar 2008-2020 við afrennslissvæði Mjólkárvirkjana, Arnarfirði.

Bæjarstjórn Ísafjarðarbæjar samþykkti 4. maí 2017 tillögur að breytingum á Aðalskipulagi Ísafjarðarbæjar 2008-2020 samkvæmt 1. mgr. 36. gr. skipulagslaga nr. 123/2010.

Breytingarnar felast í stækkun virkjunar úr 8,1 MW í allt að 12,05 MW með aukinni miðlun og rennsli í gegnum vélar virkjunarinnar. Gera á þrjá veituskurði og tvær stíflur á svæði Hófsárveitu efri og einn veituskurð við Tangavatnsmiðlun. Framkvæmdunum fylgir lagning 3,5 km vinnuvegar að framkvæmdasvæðinu við Hófsárveitu efri.  

Breytingartillögur og umhverfisskýrsla verða til sýnis á bæjarskrifstofunum að Hafnarstræti 1 frá og með föstudeginum 16. júní nk. til þriðjudagsins 1. ágúst 2017 og hjá Skipulagsstofnun, Borgartúni 7b, Reykjavík. Tillögurnar er einnig til sýnis á heimasíðu Ísafjarðarbæjar, www.isafjordur.is.

Þeim sem telja sig eiga hagsmuna að gæta er hér með gefinn kostur á að gera athugasemdir við breytingartillögurnar til þriðjudagsins 1. ágúst 2017. Skila skal athugasemdum á bæjarskrifstofur Ísafjarðarbæjar, Stjórnsýsluhúsinu, Hafnarstræti 1.

Bæjarstjóri Ísafjarðarbæjar