Álagningarhlutfall fasteignaskatts lækkað árið 2025

Bæjarstjórn samþykkti á 541. fundi sínum þann 31. október að lækka álagningarhlutfall fasteignaskatts á íbúðarhúsnæði úr 0,54% árið 2024 í 0,50% árið 2025. Skattur á atvinnuhúsnæði verður óbreyttur 1,65%, skattur á opinberar byggingar verður óbreyttur 1,32%, og lóðarleiga verður óbreytt 1,5%.

Áður hafði málið verið tekið fyrir á 540. fundi bæjarstjórnar þann 15. október þar sem bæjarstjórn samþykkti að álagningarhlutfall fasteignaskatts á íbúðarhúsnæði verði 0,52% árið 2025.

Á fundi 1301. fundi bæjarráðs mánudaginn 28. október voru drög að fjárhagsáætlun 2025 lögð fram til umræðu. Í ljósi góðrar niðurstöðu áætlunarinnar ákvað bæjarráð samhljóða að leggja til við bæjarstjórn að færa álagningarhlutfallið enn neðar svo það verði 0,50%.

Í minnisblaði fjármálastjóra sem kynnt var bæjarstjórn koma fram upplýsingar um tekjubreytingu sveitarfélagsins myndi álagningarhlutfallið vera lækkað í 0,50%, auk upplýsinga um áhrif tillagna um lækkun á framlög Jöfnunarsjóðs til Ísafjarðarbæjar.

Sviðsmyndirnar þrjár sem lagðar voru fram má skoða í töflunni hér fyrir neðan. Þar er til samanburðar 0,54% álagning ársins 2024, auk upplýsinga um lækkun tekna Jöfnunarsjóðs.

Eins og taflan sýnir lækka skatttekjur Ísafjarðarbæjar um 27.775.874 kr. við lækkun álagningarhlutfalls úr 0,54% í 0,50%, auk þess sem tekjur Jöfnunarsjóðs lækka um 17,1 m.kr. Alls er það lækkun um 44,9 m.kr. Sem fyrr segir samþykkti bæjarstjórn að álagningarhlutfallið á íbúðarhúsnæði verði 0,50% árið 2025.