504. fundur bæjarstjórnar Ísafjarðarbæjar

Bæjarstjórn Ísafjarðarbæjar kemur saman til 504. fundar síns fimmtudaginn 15. desember klukkan 17:00, í fundarsal bæjarstjórnar, Stjórnsýsluhúsinu á Ísafirði.

Beint streymi er af fundinum á Youtube-rás Ísafjarðarbæjar og í spilaranum neðst í fréttinni.

Dagskrá

Almenn mál

1. Gjaldskrár 2023 - 2022050015
Tillaga frá 1223. fundi bæjarráðs, sem fram fór þann 12. desember 2022, um að bæjarstjórn samþykki gjaldskrá um meðhöndlun úrgangs fyrir árið 2023, og gjaldskrá um félagslegt húsnæði árið 2023.

2. Samþykkt um meðhöndlun úrgangs - 2022110123
Lögð fram til síðari umræðu samþykkt Ísafjarðarbæjar um meðhöndlun úrgangs.

3. Samþykkt um stjórn Ísafjarðarbæjar og fundarsköp bæjarstjórnar desember 2022 - 2022110122
Lögð fram til síðari umræðu breytingar á samþykkt um stjórn Ísafjarðarbæjar og fundarsköp bæjarstjórnar.

4. Undanþágur verkfallsheimilda 2023 - 2022100094
Tillaga frá 1223. fundi bæjarráðs, sem fram fór 12. desember 2022, um að bæjarstjórn samþykki lista yfir þá starfsmenn sem ekki hafa verkfallsheimild hjá Ísafjarðarbæ, í samræmi við minnisblað mannauðsstjóra, dags. 7. desember 2022.

5. Vallargata 1, Þingeyri - Gramsverslun - 2021110022
Tillaga frá 1223. fundi bæjarráðs, sem fram fór þann 12. desember 2022, um að bæjarstjórn samþykki að gengið verði til samninga við Kjartan Ingvarsson, f.h. Fasteignafélags Þingeyrar ehf., um að yfirtaka Gramsverslun að Vallargötu 1 á Þingeyri.

6. Samstarfssamningur - Kómedíuleikhúsið - 2005090047
Tillaga frá 166. fundi menningarmálanefndar, sem haldinn var 30. nóvember 2022, þar sem lagt er til við bæjarstjórn að samþykkja endurnýjun samnings við Kómedíuleikhúsið til þriggja ára. Nefndin fagnar samstarfi Ísafjarðarbæjar og Kómedíuleikhússins og telur alla aldurshópa samfélagsins njóta góðs af hinu öfluga leikhússtarfi sem Elfar Logi heldur úti.

7. Aðalfundur Hvetjanda hf. 2022 - 2022010061
Tillaga bæjarstjóra um tilnefningar til setu í stjórn Hvetjanda f.h. Ísafjarðarbæjar.

8. Framtíðarskipulag Torfnes - Starfshópur - 2020090001
Tillaga frá 237. fundi íþrótta- og tómstundanefndar, sem fram fór 7. desember 2022, um að bæjarstjórn skipi nýjan starfshóp um framtíðarskipulag Torfness og ljúki þeirri vinnu sem hafin er.

9. Tjaldsvæði í Tungudal - framlenging á samning - 2022110018
Tillaga frá 126. fundi umhverfis- og framkvæmdanefndar, sem fram fór þann 30. nóvember 2022, um að bæjarstjórn samþykki að samningur G.I. Halldórssonar ehf. vegna reksturs tjaldsvæðisins í Tungudal verði framlengdur til tveggja ára, í samræmi við 4. gr. samningsins.

10. Suðurtangi 6, Ísafirði. Umsókn um endurnýjun á lóðarleigusamningi - 2021120014
Tillaga frá 597. fundi skipulags- og mannvirkjanefndar, sem haldinn var 24. nóvember 2022, um að bæjarstjórn heimili útgáfu lóðarleigusamning fyrir Suðurtanga 6 á Ísafirði, þó aðeins til 10 ára í ljósi óvissu með framtíð skipulagsmála á Suðurtanga, en þetta er í samræmi við gildandi deiliskipulag Suðutanga, íbúðar- og þjónustusvæði.

11. Skeið 5, Ísafirði. Umsókn um lóðarleigusamning - 2022110124
Tillaga frá 598. fundi skipulags- og mannvirkjanefndar, sem haldinn var 8. desember 2022, um að bæjarstjórn heimili útgáfu lóðarleigusamning fyrir Skeið 5 á Ísafirði í samræmi við framlagt mæliblað tæknideildar.

12. Hlaðsnes við Súgandafjörð. Umsókn um lóðarleigusamning - 2022110125
Tillaga frá 598. fundi skipulags- og mannvirkjanefndar, sem haldinn var 8. desember 2022, um að bæjarstjórn heimili útgáfu lóðarleigusamning fyrir Hlaðsnes 1 á Suðureyri í samræmi við framlagt mæliblað tæknideildar.

13. Hjallavegur 3, Suðureyri. Umsókn um endurnýjun á lóðarleigusamningi - 2022110101
Tillaga frá 598. fundi skipulags- og mannvirkjanefndar, sem haldinn var 8. desember 2022, um að bæjarstjórn heimili útgáfu lóðarleigusamning fyrir Hjallaveg 3 á Suðureyri (L141324 / F2126774) í samræmi við framlagt mæliblað tæknideildar.

14. Dagverðardalur 11- stækkun lóðar - 2022100111
Tillaga frá 598. fundi skipulags- og mannvirkjanefndar, sem haldinn var 8. desember 2022, um að bæjarstjórn samþykki viðauka við lóðina Dagverðardal 11 á Ísafirði, skv. framlögðu mæliblaði tæknideildar.

Fundargerðir til kynningar

15. Bæjarráð - 1222 - 2212002F
Fundargerð 1222. fundar bæjarráðs lögð fram til kynningar, en fundur var haldinn 5. desember 2022.
Fundargerðin er í 14 liðum.

16. Bæjarráð - 1223 - 2212011F
Fundargerð 1223. fundar bæjarráðs lögð fram til kynningar, en fundur var haldinn 12. desember 2022.
Fundargerðin er í 15 liðum.

17. Fræðslunefnd - 447 - 2212004F
Fundargerð 447. fundar fræðslunefndar lögð fram til kynningar, en fundur var haldinn 8. desember 2022.
Fundargerðin er í þremur liðum.

18. Íþrótta- og tómstundanefnd - 237 - 2212003F
Fundargerð 237. fundar íþrótta- og tómstundanefndar lögð fram til kynningar, en fundur var haldinn 7. desember 2022.
Fundargerðin er í fjórum liðum.

19. Menningarmálanefnd - 166 - 2211022F
Fundargerð 166. fundar menningarmálanefndar lögð fram til kynningar, en fundur var haldinn 30. nóvember 2022.
Fundargerðin er í sjö liðum.

20. Skipulags- og mannvirkjanefnd - 598 - 2212006F
Fundargerð 598. fundar skipulags- og mannvirkjanefndar lögð fram til kynningar, en fundur var haldinn 8. desember 2022.
Fundargerðin er í 18 liðum.

21. Umhverfis- og framkvæmdanefnd - 126 - 2211021F
Fundargerð 126. fundar bæjarráðs lögð fram til kynningar, en fundur var haldinn 30. nóvember 2022.
Fundargerðin er í fjórum liðum.

22. Umhverfis- og framkvæmdanefnd - 127 - 2212005F
Fundargerð 127. fundar umhverfis- og framkvæmdanefndar lögð fram til kynningar, en fundur var haldinn 9. desember 2022.
Fundargerðin er í fimm liðum.