Vegagerðin — Vélamaður á Ísafirði

Vegagerðin auglýsir laust starf vélamanns á þjónustustöðinni á Ísafirði.

Vélamenn vinna á opnunartíma þjónustustöðvar en eru þar að auki á bakvöktum utan dagvinnutíma frá október-apríl alla daga vikunnar, til að sinna vetrarþjónustu.

• Viðhald, þjónusta og nýbyggingar vega á starfssvæði Vegagerðarinnar á Ísafirði

• Ýmis vinna í starfsstöð

• Almenn ökuréttindi

• Vinnuvélaréttindi og meirapróf æskilegt

• Reynsla af sambærilegum störfum æskileg

• Hæfni í mannlegum samskiptum

• Frumkvæði og hæfni til að vinna sjálfstætt sem og í hóp

• Gott vald á íslensku og ensku

• Góð öryggisvitund

• Almenn tölvukunnátta

Laun samkvæmt gildandi kjarasamningi sem fjármála- og efnahagsráðherra og Verkalýðsfélag Vestfirðinga hafa gert.

Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru.

Áhugasamir einstaklingar, án tillits til kyns, eru hvattir til að sækja um. Æskilegt er að starfsmaður geti hafið störf sem fyrst.

Í umsókninni komi fram upplýsingar um fyrri störf og upplýsingar um þær hæfnikröfur sem óskað er eftir. Öllum umsóknum verður svarað þegar ákvörðun um ráðningu hefur verið tekin.