Íþrótta- og tómstundanefnd

Hálfdán Bjarki Hálfdánsson starfsmaður atvinnumálanefndar og Shiran Þórisson fulltrúi Atvinnuþróunarfélags Vestfjarða mættu á fundinn og fóru yfir punkta sem komið hafa fram í stefnumótunarvinnu atvinnumálanefndar, en atvinnulífið telur mikilvægt að íþrótta- og tómstundastarf sé fjölbreytt og öflugt í Ísafjarðarbæ.

Nefndin telur að mikið hafi verið lagt í íþrótta- og tómstundastarf á síðustu árum. Verið er að vinna að nýrri stefnu í íþrótta- og tómstundamálum og verður tekið tillit til athugasemda atvinnumálanefndar þar.

Lagt fram til kynningar bréf frá UMFÍ dagsett 29. nóvember s.l. þar sem fram koma samþykktar tillögur frá 47. sambandsþingi Ungmennafélags Íslands.

Lagt fram til kynningar bréf dagsett 18. nóvember s.l. og upplýsingarit frá Félagi íþrótta-, æskulýðs- og tómstundafulltrúa á Íslandi.

Lagt fram til kynningar rit Mennta- og menningarmálaráðuneytisins Ungt fólk 2011. Þar er gerð grein fyrir niðurstöðum á högum og líðan nemenda í 5.-7. bekk.

Lögð fram drög að dagsetningu á útnefningu íþróttamanns Ísafjarðarbæjar 2011 og drög að bréfi til íþróttafélaga sveitarfélagsins.

Nefndin leggur til að íþróttamaður Ísafjarðarbæjar árið 2011 verði útnefndur 22. janúar 2012 og felur starfsmanni að undirbúa þá athöfn. Þá leggur nefndin til við bæjarstjórn að íþróttamanni Ísafjarðarbæjar 2011 verð veitt peningaverðlaun kr. 100.000.

Lagður fram núgildandi samstarfssamningur Héraðssambands Vestfirðinga og Ísafjarðarbæjar.

Nefndin felur starfsmanni að vinna breytingar á samningnum í samræmi við umræður á fundinum.

Lagður fram núgildandi verkefnasamningur milli Héraðssambands Vestfirðinga og Ísafjarðarbæjar.

Nefndin felur starfsmanni að vinna breytingar á samningnum í samræmi við umræður á fundinum.

Lögð fram vinnugögn af íbúaþingi um stefnumótun í íþrótta- og tómstundamálum Ísafjarðarbæjar. Unnið úr hluta af gögnunum en vinnu verður framhaldið á næsta fundi.