Velferðarnefnd

Þrjú trúnaðarmál lögð fram til afgreiðslu í félagsmálanefnd.

Margrét Geirsdóttir greindi frá vinnu við gerð fjárhagsáætlunar fyrir fjölskyldusvið Ísafjarðarbæjar og fór yfir einstaka liði áætlunarinnar.

Lagður fram tölvupóstur frá Landssamtökunum Þroskahjálp dags. 12. október 2016 þar sem ályktanir fulltrúafundar 2016 eru kynntar.

Lögð fram styrkbeiðni frá Stígamótum vegna viðtalsþjónustu samtakanna á norðanverðum Vestfjörðum. Umbeðinn styrkur nemur kr. 677.501,-. Jafnframt lögð fram bókun bæjarráðs frá 31. október s.l. þar sem fram kemur að styrkbeiðninni er vísað til fjárhagsáætluar Ísafjarðarbæjar.

Lagt fram minnisblað Sædísar M. Jónatansdóttur sem varðar vinnu við stefnu í móttöku nýrra íbúa í Ísafjarðarbæ, þar sem kynnt er að blásið er til fjölmenningarþings þann 12. nóvember n.k. Markmiðið með þinginu er að skapa umræður um málefni innflytjenda. Jafnframt er markmiðið að læra af reynslu þeirra sem hingað hafa flutt. Niðurstöðurnar verða nýttar í gerð móttökuáætlunarinnar.

Lagðar fram leiðbeinandi reglur um móttökuþjónustu og aðstoð við félagslega þátttöku flóttafólks sem gefnar voru út af velferðarráðuneytinu í maí 2014. Einnig lagt fram minnisblað Sædísar M. Jónatansdóttur um móttöku flóttafólks til Ísafjarðarbæjar, en verkefnið er unnið í samvinnu við velferðarráðuneytið, Fjölmenningarsetur og fleiri aðila.

Lagðar fram fundargerðir verkefnahóps BsVest frá fundum 56 og 57.

Lögð fram fundargerð frá þriðja fundi öldungaráðs Ísafjarðarbæjar.