Velferðarnefnd

460. fundur 09. september 2021 kl. 09:00 - 10:15 á skrifstofu velferðarsviðs í Stjórnsýsluhúsinu á Ísafirði
Nefndarmenn
  • Þórir Guðmundsson varaformaður
  • Hulda María Guðjónsdóttir aðalmaður
  • Bragi Rúnar Axelsson formaður
  • Auður Helga Ólafsdóttir aðalmaður
  • Dagbjört Sigrún Hjaltadóttir áheyrnarfulltrúi
Starfsmenn
  • Margrét Geirsdóttir sviðsstjóri velferðarsviðs
  • Alberta G Guðbjartsdóttir deildarstjóri félagsþjónustu
  • Harpa Stefánsdóttir ráðgjafi á velferðarsviði
Fundargerð ritaði: Alberta G Guðbjartsdóttir deildarstjóri félagsþjónustu
Dagskrá

1.Trúnaðarmál - velferðarnefnd - 2011090094

Þrjú trúnaðarmál kynnt í velferðarnefnd.
Trúnaðarmálin afgreidd og færð til bókar í trúnaðarmálabók velferðarnefndar.

2.Þjónusta í málefnum aldraðra - 2020100075

Lagt fram minnisblað Albertu G. Guðbjartsdóttur, dags. 7. september 2021, um stöðu í öldrunarþjónustu ásamt tillögum til að efla þjónustuna.
Velferðarnefnd styður tillögur í eflingu öldrunarþjónustu og óskar eftir að þær verði teknar til umfjöllunar í öldungaráði.

3.Starfsleyfisskylda einkaaðila sem veita félagslega þjónustu - 2021080037

Lagður fram til kynningar tölvupóstur Rósu Guðrúnar Sólberg f.h. Gæða- og eftirlitsstofnunar félagþjónustu og barnaverndar, dagsettur 4. ágúst 2021, þar sem athygli er vakin á starfsleyfisskyldu einkaaðila sem veita félagslega þjónustu.
Lagt fram til kynningar.

4.Gjaldskrár 2022 - 2021050043

Drög að gjaldskrá velferðarsviðs 2022 lögð fram til kynningar.
Velferðarnefnd leggur til við bæjarstjórn að gjaldskrá velferðarsviðs verði samþykkt.

5.Launaáætlun - Velferðarsvið - 2021090025

Lagt fram til kynningar minnisblað Albertu G. Guðbjartsdóttur, dags. 6. september 2021, þar sem vinna við launaáætlanir 2022 á velferðarsviði er kynnt.
Lagt fram til kynningar.

6.Reglur um afslátt af fasteignagjöldum fyrir elli- og örorkulífeyrisþega - 2017110061

Reglur um afslátt af fasteignagjöldum fyrir elli- og örorkulífeyrisþega 2021 lagðar fram til endurskoðunar þar sem viðmið á tekjumörkum og hámark afsláttar fyrir árið 2022 er til umfjöllunar.
Velferðarnefnd felur starfsmönnum að vinna málið áfram.

7.Frumvörp og þingsályktunartillögur til umsagnar 2021 - 2021010023

Lagður fram tölvupóstur Sigríðar Helgu Sigurjónsdóttur, f.h. nefndasviðs Alþingis, dags. 12. maí 2021, þar sem Ísafjarðarbæ er send til umsagnar tillaga til þingsályktunar um barnvænt Ísland - framkvæmd barnasáttmála Sameinuðu þjóðanna, 762. mál. Umsagnarfrestur er til 26. maí.
Bæjarráð vísaði málinu til velferðarnefndar á 1153. fundi sínum þann 17. maí 2021.
Velferðarsvið tók málið til skoðunar áður en umsagnarfrestur leið. Lagt fram til kynningar.

Fundi slitið - kl. 10:15.

Er hægt að bæta efnið á síðunni?