Umhverfis- og framkvæmdanefnd

Gjaldskrár 2024 lagðar fram til fyrstu umræðu.

Á 1249. fundi bæjarráðs, þann 17. júlí 2023, var lagt fram minnisblað Gylfa Ólafssonar, formanns bæjarráðs, f.h. Í-lista, dags. 14. júlí 2023, þar sem lagt er til að haldin verði samkeppni um hugmyndir og hönnun að áningarstað á enda fyrirstöðugarðs við Norðurtanga.
Keppnin verði haldin öðru hvoru megin við áramótin og gert ráð fyrir keppninni og framkvæmdum í fjárhagsáætlunargerð fyrir 2024 og 25. Óskað er umsagna menningarmálanefndar, umhverfis- og framkvæmdanefndar, skipulags- og mannvirkjanefndar og hafnarstjórnar.

Bæjarráð tók vel í hugmynd um að haldin verði samkeppni um hugmyndir og hönnun að áningarstað á enda fyrirstöðugarðs við Norðurtanga. Samkeppnin yrði haldin öðru hvoru megin við áramótin og gert ráð fyrir keppninni og framkvæmdum í fjárhagsáætlunargerð fyrir 2024 og 2025.

Bæjarráð vísaði tillögunni til umsagnar menningarmálanefndar, umhverfis- og framkvæmdanefndar, skipulags- og mannvirkjanefndar og hafnarstjórnar. Í kjölfar þess myndi bæjarstjóri útfæra hugmyndasamkeppni og leggja fram áætlun um kostnað, forsendur, tímasetningar og önnur skipulagsatriði fyrir bæjarráð.

Á 1244. fundi bæjarráðs, þann 12. júní 2023, var lögð fram til kynningar fundargerð hverfisráðsins í Dýrafirði, en fundur var haldinn 23. maí 2023.

Vegna eðlis málanna vísar bæjarráð fundargerðinni til kynningar í umhverfis- og framkvæmdanefnd.

Lagður fram tölvupóstur dags. 5. júlí 2023 frá Davíð Örvari Hanssyni hjá Umhverfisstofnun, þar sem fulltrúum náttúruverndarnefnda og starfsmönnum sveitarfélaga er bent á að ársfundur náttúruverndarnefnda, Umhverfisstofnunar og forstöðumanna náttúrustofa verður haldinn á Ísafirði þann 12. október 2023.

Að undirbúningi fundarins koma, auk Umhverfisstofnunar, Samtök íslenskra sveitarfélaga og Samtök náttúrustofa. Fundirnir hafa reynst gagnlegir fyrir það að vera bæði fræðandi og frábært tækifæri til að mynda tengsl.

Á 1244. fundi bæjarráðs, þann 12. júní 2023, var lagt fram erindi Hólmfríðar Arnardóttur, f.h. Fuglaverndar, dags. 5. júní 2023, þar sem Ísafjarðarbæ er boðin aðstoð vegna kríuvarps í botni Skutulsfjarðar, finna lausn og miðla fræðslu.

Bæjarráð þakkaði erindið og vísaði málinu til umhverfis- og framkvæmdanefndar.

Við undirbúning máls þessa var reynt að velja vægustu leiðina til að hliðra varpi kríunnar, og að það yrði gert áður en fuglinn myndi setjast, en Ísafjarðarbær hefur fengið ítrekaðar beiðnir frá íbúum í Skutlsfirði um aðgerðir. Þá skal horft til þess að kríunni sjálfri er hætta búin á að verpa á þessu svæði, enda er varplandið mjög nálægt vegi, og hefur dauði unga síðustu ár verið mikill vegna þess.

Ísafjarðarbær hefur verið í samskiptum við Nave til að finna lausn á málinu og verður áfram, og felur bæjarráð bæjarstjóra að halda áfram samtali við Nave, auk Fuglaverndar vegna málsins.

Á 1244. fundi bæjarráðs, þann 12. júní 2023, var lagt fram bréf forsvarsmanna umræðuhóps um lausagöngu sauðfjár, dagsett 4. mars 2023, þar sem gerðar eru athugasemdir við minnisblað Sambandsins um réttarstöðu sveitarfélaga vegna ágangs búfjár, sem sent var sveitarfélögum 3. febrúar 2023.

Bæjarráð hvatti stjórnvöld til að taka lagaumhverfi málsins til gagngerrar endurskoðunar.

Bæjarráð vísaði erindinu til til afgreiðslu í umhverfis- og framkvæmdanefnd.

Lagt fram erindi frá Bændasamtökum Íslands, dags. 6. júlí 2023, er varðar lausagöngu og ágang búfjár.

Erindið var kynnt á 1249. fundi bæjarráðs þann 10. júlí og vísaði ráðið því áfram til kynningar í umhverfis- og framkvæmdanefnd.

Lögð fram til samþykktar uppfærð samþykkt Ísafjarðarbæjar um meðhöndlun úrgangs.