Skipulags- og mannvirkjanefnd

Lagður fram til kynningar erindi frá Gunnari Páli Eydal hjá Verkís ráðgjöfum varðandi greiningar á deiliskipulagsvinnu miðbæjar Ísafjarðar, dags. 6. janúar 2025.

Lögð fram til kynningar 9. fundargerð svæðisskipulagsnefndar Vestfjarða en fundur var haldinn 11. nóvember 2024.

Lögð fram til kynningar 10. fundargerð svæðisskipulagsnefndar Vestfjarða en fundur var haldinn 25. nóvember 2024.

Lögð fram til kynningar 11. fundargerð svæðisskipulagsnefndar Vestfjarða en fundur var haldinn 9. desember 2024.

Lögð fram til kynningar, auglýsing Matvælastofnunar vegna tillögu að breyttu rekstrarleyfi fyrir ÍS 47 ehf. vegna sjókvíaeldis í Önundarfirði en fyrirtækið er með rekstrarleyfi (FE-1109) fyrir 1.000 tonna hámarkslífmassa á eldi á regnbogasilungi og þorski í Önundarfirði sem gefið var út 8. janúar 2021.

Tillaga að breytingu á rekstrarleyfi byggir á tilkynningu ÍS 47 ehf. frá 21. október 2022 um tegundabreytingu og færslu svæðis ásamt ákvörðun Skipulagsstofnunar frá 7. febrúar 2023 um matsskyldu.

Í samræmi við 24. gr. reglugerðar nr. 540/2020 helst gildistími rekstrarleyfisins óbreyttur og er til 8. janúar 2037.

Athugasemdir við tillöguna skulu vera skriflegar og sendar Matvælastofnun á mast@mast.is merktar 2202251. Frestur til að skila inn athugasemdum er til 27. janúar 2025.

Lögð fram til kynningar umsagnarbeiðni úr skipulagsgátt Skipulagsstofnunar, birt 6. janúar 2025, vegna kynningar matsáætlunar (Mat á umhverfisáhrifum) kláfs upp á Eyrarfjall ofan Ísafjarðar, 7. mál.

Eyrarkláfur ehf. árofmar að setja upp kláf með byrjunarstöð í þéttbýlinu á Ísafirði neðan Eyrarfjalls, með einu millimastri á Gleiðarhjalla í hlíðum fjallsins og endastöð uppi á fjallinu. Gert er ráð fyrir uppsetningu tveggja kláfa sem munu ganga hvor á móti öðrum. Framkvæmdin felst jafnframt í gerð bílastæða og aðkomuvegar að byrjunarstöð kláfsins.

Umsagnarfrestur er til og með 3. febrúar 2025.

Lagðar fram til kynningar umsagnir við vinnslutillögu breytinga á Aðalskipulagi Ísafjarðarbæjar 2008-2020 vegna Réttarholtskirkjugarðs í Engidal, Skutulsfirði, greinargerð með uppdrætti, unnin af Verkís ehf. dags. 4. nóvember 2024.

Vinnslutillagan var kynnt opinberlega frá 20. nóvember til 20. desember 2024. Sex umsagnir bárust.

Skipulagslýsing var auglýst frá 25. nóvember 2024 til 20. desember 2024, með athugasemdafresti til 20. desember 2024.

Tólf umsagnir bárust við skipulagslýsinguna og ein athugasemd barst frá íbúa.

Lagt fram til kynningar minnisblað Verkís hf., dags., 3. janúar 2024, vegna jarðvegskönnunar, vegna stækkunar Tunguhverfis.

Lögð fram umsókn með ósk um endurnýjun á lóðarleigusamningi, frá eiganda fasteignar við Eyrargötu 1 á Suðureyri, dags. 13. desember 2024. Jafnframt lagt fram mæliblað tæknideildar dags. 30. desember 2024.

Lögð fram umsókn með ósk um endurnýjun á lóðarleigusamningi, frá eiganda fasteignar við Aðalgötu 29 á Suðureyri, dags. 14. desember 2024. Jafnframt lagt fram mæliblað tæknideildar dags. 30. desember 2024.

Á 643. fundi skipulags- og mannvirkjanefndar þann 12. desember 2024, var lagt fram erindi frá Birni Davíðssyni f.h. óstofnaðs hlutafélags um gagnaver í Breiðadal, dags. 17. október 2024 með hugmyndir að byggingu gagnavers í Veðrarárdal í Önundarfirði.

Nefndin óskaði eftir að fá undirritaða heimild landeigenda þar sem þeir heimila breytingar.
Nú er lagt fram samþykki landeiganda, dags. 11. desember 2024.

Lagður fram til kynningar tölvupóstur frá Skipulagsstofnun, dags. 12. desember 2024 með leiðbeiningum á gagnaskilum deiliskipulags.
Samkvæmt 46. gr. skipulagslaga nr. 123/2010 skal deiliskipulag unnið á stafrænu formi frá og með 1. janúar 2025.

Það felur í sér að skipulagsgögn eru unnin í landupplýsingakerfi með samræmdum hætti, auk þess að deiliskipulagið er sett fram í skipulagsgreinargerð og á skipulagsuppdráttum eins og verið hefur. Um er að ræða nýja nálgun sem hefur í för með sér nýjar aðferðir og verklag sem skipulagsráðgjafar og skipulagshönnuðir þurfa að tileinka sér

Lögð fram til kynningar úr skipulagsgátt, mál nr. 1134/2024, umsagnarbeiðni frá Strandabyggð, dags. 20. desember 2024, vegna tillögu á nýju deiliskipulagi Kvíslatunguvirkjunar í Selárdal.

Orkubú Vestfjarða ehf. (OV) áformar að reisa virkjun, áætlað að afl hennar verði allt að 9,9 MW og orkuframleiðsla um 64 GWh. Megin stöðvarhús virkjunarinnar verður í Selárdal og inntakslón, miðlunarlón og veituskurðir á Ófeigsfjarðarheiði, norðan við Þjóðbrókargil.

Umsagnarfrestur er til og með 19. febrúar 2025.

Lögð fram til kynningar úr skipulagsgátt, umsagnarbeiðni frá Strandabyggð, dags. 20. desember 2024, vegna tillögu á Aðalskipulagi Strandabyggðar 2021-2033.

Um er að ræða heildarendurskoðun gildandi Aðalskipulags Strandabyggðar 2010-2022.
Sveitarstjórn samþykkti að auglýsa tillöguna skv. 1. mgr. 31. gr. skipulagslaga þann 10. september 2024.

Að lokinni athugun Skipulagsstofnunar fyrir auglýsingu var tillagan aftur samþykkt í sveitarstjórn 12. nóvember 2024 með minniháttar lagfæringum til að bregðast framkomnum ábendingum Skipulagsstofnunar.

Umsagnarfrestur er til og með 13. febrúar 2025.

Lögð fram tilkynning frá samráðsgátt stjórnvalda, birt 13. desember 2024, þar sem umhverfis-, orku- og loftslagsráðuneytið kynnir til samráðs mál nr. 241/2024, "Saman gegn sóun - stöðumat og valkostir í úrgangsforvörnum".

Stöðumatið, sem hér er kynnt, er undanfari nýrrar stefnu um úrgangsforvarnir, og ber Umhverfisstofnun ábyrgð á vinnslu og útgáfu þess. Í stöðumati eru upplýsingar um málaflokkinn og greining á núverandi stöðu hans.

Umsagnarfrestur er til og með 13. janúar 2025.

Lögð fram tilkynning frá samráðsgátt stjórnvalda, birt 13. desember 2024, þar sem umhverfis-, orku- og loftslagsráðuneytið kynnir til samráðs mál nr. 229/2024, "Drög að flokkun tíu vindorkuverkefna".

Verkefnisstjórn rammaáætlunar vill ítreka að samkvæmt ákvæðum laga um verndar og orkunýtingaráætlun er þetta styttra fyrra samráð um drög að tillögu að flokkun virkjunarkosta. Að henni lokinni tekur við hið eiginlega umsagnarferli verkefnisstjórar í Samráðsgáttinni um tillögur um flokkun virkjunarkostanna sem er að lágmarki 12 vikur.


Umsagnarfrestur er til og með 10. janúar 2025.

Lögð fram tilkynning frá samráðsgátt stjórnvalda, birt 12. desember 2024, þar sem umhverfis-, orku- og loftslagsráðuneytið kynnir til samráðs mál nr. 235/2024, "Skýrsla starfshóps um endurskoðun á lögum um rammaáætlun" (lögum 48/2011 um verndar- og orkunýtingaráætlun).

Skýrslan var unnin af starfshópi sem skipaður var af ráðherra til að gera tillögur um endurmat og endurskoðun á þeim lagaramma sem gildir um orkuöflun landsins til að tryggja skilvirka og ábyrga nýtingu og vernd landsvæða á Íslandi. Starfshópnum var falið að greina viðfangsefnið og setja tillögur sínar fram í lagafrumvarpi með greinargerð. Auk draga að slíku frumvarpi, sem finna má í skýrslunni, hefur starfshópurinn jafnframt unnið drög að reglugerð á grundvelli laganna.

Umsagnarfrestur er til og með 1. febrúar 2025.

Lögð fram til kynningar fundargerð 80. afgreiðslufundar byggingarfulltrúa, sem var haldinn 19. desember 2024.