Skipulags- og mannvirkjanefnd

Guðfinna Hinriksdóttir mætir til fundar við skipulags- og mannvirkjanefnd til að ræða áform á lóðunum við Hafnarbakka 1 og Túngötu 5 á Flateyri.

Lagður fram uppdráttur unninn af Rúm teiknistofu, dags. 1. nóvember 2023, þar sem lögð er fram tillaga að deiliskipulagsbreytingu Suðureyrarmala vegna sameiningar lóða við Stefnisgötu 8 og 10. Byggingarreitir verða sameinaðir í einn byggingarreit. Sameining kallar ekki á fjölgun bílastæða og byggingarmagn helst eins.

Á síðasta fundi skipulags- og mannvirkjanefndar var lögð fram umsókn Hampiðjunnar, dags. 23. október 2023, þar sem óskað er eftir tímabundnum afnotum af lóðum á Suðurtanga 18 og 20 vegna bráðabirgða vinnuaðstöðu við hringi fyrir fiskeldi og óskaði nefndin eftir afstöðu hafnarstjórnar.

Hafnarstjórn tók málið fyrir á fundi 245. fundi þann 1. nóvember 2023 og var bókun eftirfarandi: „Hafnarstjórn gerir ekki athugasemd við að Hampiðjan fái tímabundin afnot af umbeðnum lóðum, en leggur til að skilyrði verði sett um að leyfi fyrir afnotum falli úr gildi ef sótt er um lóð á svæðinu á tímabilinu.“

Lögð fram að nýju, umsókn dags. 30. nóvember 2021, frá eiganda Suðurtanga 6 (L138767), á Ísafirði um endurnýjun á lóðarleigusamningi undir iðnaðarhúsnæði og athafnapláss fyrirtækisins. Jafnframt lagt fram mæliblað tæknideildar dags. 22. mars 2022 sem er unnið eftir gildandi deiliskipulagi Suðurtanga, (íbúðarhluta og þjónustusvæði) frá nóvember 2015. Málinu var vísað til skipulags- og mannvirkjanefndar með vísan í að bæjarstjórn ákvað á 498. fundi sínum sem haldinn var 15. september 2022 að endurskoða deiliskipulag á Suðurtanga.

Lögð fram að nýju, umsókn dags. 30. nóvember 2021, frá Aðalsteini Ó. Ásgeirssyni f.h. Skipanausts ehf. þingl. eiganda Suðurtanga 8 L138769, um endurnýjun á lóðarleigusamningi undir F212-0534, dráttarbraut og spilhús, einnig lagt fram mæliblað tæknideildar frá 22. mars 2022 þá verður lóðin númer 10 (sem er skv. gildandi deiliskipulagi).

Lögð fram umsókn dags. 31. október 2023. frá Daníel Erni Antonssyni hjá Orkubúi Vestfjarða varðandi lóð á Suðurtangasvæðinu á Ísafirði undir hleðslugarð fyrir 30 rafbíla vegna ferðamanna.

Á 415. fundi skipulags- og mannvirkjanefndar var samþykkt að fela skipulagsfulltrúa að grenndarkynna áform um byggingu bílskúrs og stækkun lóðarinnar við Hlíðarveg 15 á Ísafirði. skv. uppdrætti frá Verkís hf. dags. 29. janúar 2019 fyrir eigendum fasteigna við Hjallaveg 2 og Hlíðarveg 17, Ísafirði. Engar athugasemdir bárust á grenndarkynningartíma. Frestur til að koma með athugasemdir var til og með 20. október 2023.

Lögð er fram tilkynning Illuga Örvars Sólveigarsonar f.h. Sjóvár, vegna framkvæmda tengdum rampi við inngangsdyr hússins. Ástæða framkvæmdarinnar er að bæta aðgengi fatlaðra að skrifstofum fyrirtækisins.
Jafnframt eru lagðir fram uppdrættir frá Eflu er sýna umfang framkvæmdanna.
Þar sem umrædd framkvæmd er utan lóðamarka er óskað álits og umfjöllunar nefndarinnar.

Lögð er fram umsókn um stöðuleyfi frá Páli S. Önundarsyni vegna gáms á Flateyrarodda. Um er að ræða umsókn um áframhaldandi stöðuleyfi.
Jafnframt eru lagðar fram ljósmyndir og loftmynd er sýnir staðsetningu gáms.

Byggingarfulltrúi tók fyrir umsóknina á afgreiðslufundi númer 70. þann 31. október 2023, en vísar erindi til umfjöllunar skipulags- og mannvirkjanefndar þar sem að stöðuleyfi er einungis hugsað sem tímabundin lausn. Einnig er óskað eftir áliti nefndarinnar á staðsetningu gáms en hún er á lóð Ísafjarðarbæjar. Áður hefur verið veitt stöðuleyfi fyrir umræddum gám.

Lögð fram tilkynning frá samráðsgátt stjórnvalda, dagsett 1. nóvember 2023, þar sem umhverfis-, orku- og loftslagsráðuneytið kynnir til samráðs mál nr. 216/2023, Skýrsla um mat á þörf fyrir varnarvirki og viðbúnað vegna ofanflóðahættu á atvinnusvæðum á Íslandi.

Umsagnarfrestur er til og með 15. nóvember 2023.

Matvælaráðuneytið kynnir til samráðs áform um frumvarp til laga um lagareldi ásamt frummati á áhrifum lagasetningar.

Óskað er eftir umsögnum, athugasemdum og ábendingum um áform um lagasetningu og frummat í samráðsgátt stjórnvalda til og með 20. nóvember 2023.

Lögð fram tilkynning frá samráðsgátt stjórnvalda, dagsett 6. nóvember 2023, þar sem innviðaráðuneyti kynnir til samráðs mál nr. 223/2023, Breytingar á skipulagslögum nr. 123/2010 (Tímabundnar uppbyggingarheimildir). Umsagnarfrestur er til 16. nóvember 2023.

Með frumvarpinu er lagt til að í þeim tilvikum þegar framkvæmdir við uppbyggingu í íbúðarbyggð eða svæði þar sem íbúðarbyggð er heimiluð hafa ekki hafist innan sjö ára frá birtingu samþykkts deiliskipulags skuli sveitarstjórn, áður en ákvörðun er tekin um samþykkt byggingaráforma, meta hvort þörf er á að skipulagið verði endurskoðað í heild eða að hluta. Hafi engin umsókn um byggingaráform verið lögð fram á umræddum tíma þá getur sveitarstjórn kallað eftir skýringum og framkvæmt áðurnefnt mat á grundvelli þeirra. Þá er einnig lögð til sú undantekningarregla að sveitarstjórn geti ákveðið að heimila útgáfu byggingarleyfis án þess að framkvæma fyrrnefnt mat ef um er að ræða óverulega framkvæmd eða framkvæmd fellur að öllu leyti að markmiðum og forsendum deiliskipulags.

Aðalskipulag Ísafjarðarbæjar 2020-2032 - Umræður, meðal annars um flugvelli.

Lögð fram fundargerð 70. afgreiðslufundar byggingarfulltrúa sem var haldinn 31. október 2023.