Skipulags- og mannvirkjanefnd

Á síðasta fundi skipulags- og mannvirkjanefndar var kynnt forhönnun á leikvelli á „Gamla Gæsló“ á Ísafirði, þar sem stefnt er að því að útbúa leiksvæði fyrir börn og unglinga á árinu 2023. Nefndin vísaði málinu til umsagnar í hverfisráði Eyrar og efri bæjar en það hverfisráð er óvirkt. Því tekur nefndin þetta fyrir aftur.

Lögð fram tillaga á breytingu á Aðalskipulagi Ísafjarðarbæjar 2008-2020, dags. 2. desember 2022, uppdráttur og greinargerð unnin af Verkís ehf. f.h. Ísafjarðarbæjar, ásamt umhverfismati áætlana, vegna íbúðarbyggðar á landfyllingu norðan Eyrar í Skutulsfirði. Vinnslutillaga var í kynningu frá 1. júlí 2022 og einnig kynnt almenningi á opnum íbúafundi í september 2022.

Lagt fram Strandsvæðaskipulag Vestfjarða 2022, með viðbrögðum svæðisráðs við framkomnum athugasemdum, dags. desember 2022. Tillagan var auglýst til opinberrar kynningar í samræmi við 12. gr. laga um skipulag haf- og strandsvæða nr. 88/2018 og stóð kynningartími tillögunnar frá 15. júní - 15. september 2022.

Gögn stýrihóps FSRE og Ísafjarðarbæjar, vegna stækkunar á Hjúkrunarheimilinu Eyri, kynnt.
Veitukerfin eru í skoðun með hliðsjón af valkostum vegna staðsetningar viðbyggingar.

Lagt fram til kynningar minnisblað frá Verkís, dags. 8. desember 2022, þar sem farið er yfir umsagnir/athugasemdir um aðalskipulagsbreytingu vegna Mjólkárlínu 2. Í minnisblaðinu eru sett fram svör við umsögnum/athugasemdum og lögð til viðbrögð þar sem það á við.
Einnig lögð fram uppfærð skipulagsgögn í samræmi við minnisblaðið.

Lögð fram deiliskipulagstillaga vegna tilfærslu á lóðarmörkum við Hafnarstræti 15 og 17 á Þingeyri, uppdráttur og greinargerð unnin af Verkís ehf. 13. október 2022.

Lagt fram bréf frá deiliskipulagssviði Skipulagsstofnunar dags. 15. desember 2022, þar sem er bent á vantkanta við vinnslu á deiliskipulagi Breiðadalsvirkjunar II í Önundarfirði, sem var samþykkt af bæjarstjórn 15. september 2022.

Lagt fram bréf frá deiliskipulagssviði Skipulagsstofnunar dags. 15. desember 2022, þar sem er bent á vantkanta við vinnslu á deiliskipulagi Stekkjarlæksbakka í Önundarfirði, sem var samþykkt af bæjarstjórn 3. nóvember 2022.

Á 504. fundi bæjarstjórnar, þann 15. desember 2022, var samþykkt eftirfarandi breytingatillaga forseta:

„Forseti bæjarstjórnar leggur til við bæjarstjórn að málinu verði aftur vísað til skipulags- og mannvirkjanefndar með vísan í að bæjarstjórn ákvað á 498. fundi sínum sem haldin var 15. september 2022 að endurskoða deiliskipulag á Sundabakka. Bæjarstjórn telur rétt að endurskoða deiliskipulagið á Suðurtanga í heild í sinni áður en gerðir verði lóðaleigusamningar sem gætu haft áhrif á þróun svæðisins.

Jafnframt leggur forseti til við bæjarstjórn að hafin verði vinna við endurskoðun deiliskipulags á Suðurtanga íbúðar og þjónustusvæði sem samþykkt var 5. nóv. 2015, m.t.t. þess hvort íbúðabyggð henti á Suðurtanga samhliða þeirri starfsemi sem fyrir er og að breytingin verði unnin í tengslum við endurskoðun aðalskipulags.“

Er málið nú lagt fram á fundi skipulags- og mannvirkjanefndar.

Lögð fram umsókn um stöðuleyfi frá Jóhönnu Gunnarsdóttur, f.h. Skúla A. Elíassonar, vegna geymslugáms er stendur við Hafnarstræti 24. Stöðuleyfi vegna umrædds gáms hefur áður verið veitt.
Þar sem stöðuleyfi er ekki hugsað sem varanlegt úrræði og sú staðreynd að umsækjandi hefur áður fengið samþykkt stöðuleyfi fyrir umræddum gám, óskar byggingarfulltrúi eftir umjöllun skipulags- og mannvirkjanefndar um málið.

Lögð fram umsókn um stöðuleyfi fyrir gám frá Ragnari Ágústi Kristinssyni. Um er að ræða endurnýjun á áður veittu stöðuleyfi.
Jafnframt er lögð fram loftmynd af staðsetningu gáms.
Þar sem stöðuleyfi er ekki hugsað sem varanlegt úrræði og í ljósi þess að um endurnýjun á áður veittu stöðuleyfi er að ræða, er erindinu vísað til skipulags- og mannvirkjanefndar til umfjöllunar.

Valdís Bára Kristjánsdóttir leggur fram ósk um stofnun lóðar að Vallargötu 25 á Þingeyri. Um er að ræða svæði sem er í eigu Ísafjarðarbæjar. Til móts við svæðið er Aðalstræti 40. Þar eru þinglýstir eigendur Þjóðkirkjan. Hefur Þjóðkirkjan samþykkt að gefa eftir hluta lóðar svo unnt sé að koma fyrir lóð á Vallargötu 25, sambærilegum þeim sem fyrir eru í götunni.
Jafnframt er lögð fram loftmynd er sýnir fyrirhugaða lóð, fundargerð framkvæmdarnefndar Kirkjunnar þar sem erindið var samþykkt þann 14.03.2022 ásamt lóðarleigusamning fyrir Aðalstræti 40 á Þingeyri.

Lagt fram mæliblað tæknideildar dags. 7. desember 2022 vegna skilgreiningar á lóð undir Bakkaveg 19 í Hnífsdal.

Lögð fram umsókn dags. 14. desember 2022 frá Ósk Óskarsdóttur, eiganda fasteignarinnar F2126449, Grundarstíg 15 á Flateyri, um endurnýjun á lóðarleigusamningi. Einnig lagt fram mæliblað tæknideildar frá 15. desember 2022 sem er unnið skv. gildandi deiliskipulagi Flateyrar frá 1998.