Skipulags- og mannvirkjanefnd

Lögð fram drög að afnotasamningi Ísafjarðarbæjar og Fjallabóls ehf. um land undir frístundabyggð í Dagverðardal og drög að framkvæmdaáætlun Fjallabóls ehf.

Lagður fram tölvupóstur dags. 10. maí 2022 frá Jóni Grétari Magnússyni hjá M11 hönnuðum, f.h. Hóls í firði ehf. þar sem óskað er eftir heimild Ísafjarðarbæjar fyrir því að framkvæmdaaðili megi hefja vinnu við nýtt deiliskipulag vegna fyrirhugaðra frístundahúsalóða.
Svæðið er skilgreint sem frístundabyggð í Aðalskipulagi Ísafjarðarbæjar 2008-2020, merkt F37. Heimilt er að reisa 5 sumarhús á svæðinu. Búið er að stofna sér lóð um svæðið sem nefnist Bakkar.
Jafnframt eru lögð fram drög að deiliskipulagi dags. 06. maí 2022, einnig lögð fram fornleifaskráning unnin af Ragnari Edvardssyni í apríl 2022 og álit Veðurstofu, dags 6. maí 2022 um bráðabirgða ofanflóðamat þar sem áhætta á svæðinu telst ásættanleg fyrir frístundahús.

Lagt fram bréf Kristínar Óskar Jónasdóttur f.h. Umhverfisstofnunar, dagsett 3. maí 2022, þar sem óskað er eftir heimild til endurgerðar brúar yfir Hesteyrará, í stað brúar sem skemmdist. Jafnframt lögð fram fundargerð vinnufundar dagsett 5. október 2020, afstöðumynd og teikning brúarinnar, gerð af Verkís, dagsett 22. apríl 2022.

Lögð fram lokaútgáfa á húsakönnun í Neðstakaupstað og í gamla bænum á Eyrinni, Ísafirði unnin af Braga Bergssyni, sagnfræðingi, ásamt þeim Herborgu Árnadóttur, ráðgjafa hjá Alta og Jónu Símoníu Bjarnadóttur, forstöðumanni Byggðasafns Vestfjarða.

Lagður fram til kynningar tölvupóstur Kristínar Ágústu Björnsdóttur f.h. Umhverfisstofnunar, dagsettur 27. apríl 2022, þar sem vakin er athygli á skilyrðum tilkynningaskyldu leyfisveitenda framkvæmdaleyfa til Umhverfisstofnunar.

Lagður fram tölvupóstur frá Antoni Helgasyni hjá Heilbrigðiseftirliti Vestfjarða dags. 26. apríl 2022, þar sem óskað er umsagnar sveitarfélagsins vegna starfsemi Verslunarinnar Bræðurnir Eyjólfsson, Hafnarstræti 3, 425 Flateyri, tegund rekstrar: minna gistiheimili í flokki II.

Einnig lagt fram minnisblað tæknideildar þar sem kemur fram að húsið er skráð í dag sem einbýlishús á íbúðarhúsalóð en í aðalskipulagi er Hafnarstrætið á Flateyri skilgreint undir miðbæjarstarfsemi (miðsvæði M1).

Lagt fram erindi dags. 11. apríl 2022 frá Magnúsi E. Magnússyni hjá Björgunarsveitinni Sæbjörgu á Flateyri þar sem óskað er eftir að gera skarð í núverandi varnargarð við Flateyrarhöfn fyrir skábraut undir nýtt björgunarskip ásamt lóðarvilyrði Ísafjarðarbæjar. Flateyrarhöfn er á rýmingarsvæði B í dag og þess vegna þarf að vera möguleiki á að taka skipið uppá land þegar það ástand er viðvarandi.

Núverandi skábraut er á hættusvæði og tillaga að nýrri staðsetningu kemur helst til greina með tilliti til snjóflóðahættu og veðurfars.

Lögð fram umsókn dags. 20. apríl 2022, frá Ómari Inga Eggertssyni sem sækir um lóð við Hafnarbakka 1 á Flateyri, jafnframt er lagt fram mæliblað Tæknideildar frá 21. janúar 2021.

Lagður fram tölvupóstur dags. 11. apríl 2022 frá Vali Richter f.h. Rörás ehf og Tanga ehf. kaupanda að Suðurtanga 7 (verður númer 8 skv. deiliskipulagi) þar sem mótmælt er breyttum lóðarmörkum sem tóku gildi með auglýsingu með birtingu í B-deild Stjórnartíðinda 28.12.2015: Suðurtangi, íbúðar- og þjónustusvæði, nýtt deiliskipulag.

Lagður fram uppfærð afstöðumynd dags. 2. maí 2022 af Sunnuholti 5, Ísafirði, eftir að athugasemd barst í grenndarkynningarferli sem var til 21. febrúar 2022. Skipulags- og mannvirkjanefnd bókaði á 581. fundi sínum að breyting yrði á þann veg að mannvirki fylgi götulínu. Byggingu er því hliðrað um 6° og tilfærsla 3m 2m frá húsi.

Lögð fram umsókn Þorbergs Steins Leifssonar f.h. Sjóbátaleigunnar kt. 530608-0770, dags. 7 apríl 2022, um lóðina Fjarðargötu 12 á Þingeyri, jafnframt lagt fram lóðarblað Tæknideildar frá 25. apríl 2022.

Lögð fram umsókn Birkis Kúld Péturssonar og Valgerðar Benediktsdóttur, dags. 1. maí 2022, um lóðina Fjarðargötu 12 á Þingeyri, jafnframt lagt fram mæliblað tæknideildar frá 25. apríl 2022.