Skipulags- og mannvirkjanefnd

Lagt fram bréf Jóns Þóris Þorvaldssonar, f.h. Skipulagsstofnunar, dags. 8. maí 2020, ásamt frummatsskýrslu Verkís um mat á umhverfisáhrifum sjókvíaeldis Arnarlax í Ísafjarðardjúpi, um framleiðslu á 10.000 tonnum af laxi á ári, þar sem óskað er umsagnar Ísafjarðarbæjar um mat á umhverfisáhrifum framkvæmdarinnar, sbr. 24. gr. reglugerð 660/2015.

Bæjarráð vísaði málinu til skipulags- og mannvirkjanefndar á fundi sínum 18. maí s.l.

Lagður fram tölvupóstur Ernu Karenar Óskarsdóttur, fagsviðsstjóra fiskeldis hjá Matvælastofnun, dags. 8. maí 2020, ásamt beiðni um umsögn um umsókn Háafells ehf. fyrir sjókvíaeldi á regnbogasilungi og þorski í innanverðu Ísafjarðardjúpi, en umsagnarfrestur er til 15. maí 2020, auk sex fylgiskjala;
1) Matsskýrslu Háafells fyrir 6.800 tonna framleiðslu á regnbogasilungi og 200 tonna framleiðslu á þorski í sjókvíum í Ísafjarðarjúpi á vegum Hraðfrystihússins - Gunnvarar hf.
2) Viðbótargreinargerð vegna valkosta
3) Viðauka - fjarlægðarmörk og fjöldi laxa
4) Álit skipulagsstofnunar um mat á umhverfisáhrifum
5) Yfirlit yfir staðsetningar
5) Yfirlit yfir staðsetningu sjókvíeldissvæða í SKötufirði

Bæjarráð vísar málinu til skipulags- og mannvirkjanefndar.

Vegna stjórnsýslukæru fyrir úrskurðarnefnd umhverfis- og auðlindamála þar sem forsvarsmenn Miðvíkur ehf. gera kröfu á að viðbygging við Sjávarhúsið, Látrum verði fjarlægð. Landeigendum Látra var gefið færi á að koma með athugasemdir við kröfu Miðvíkur ehf. um að viðbygging við Sjávarhús verði tekin. Athugasemdafrestur var til 15. júlí 2019. 6 svör frá landeigendum bárust og enginn af landeigandunum setti sig upp á móti viðbyggingunni. Úrskurðarnefndin óskar eftir gögnum frá Ísafjarðarbæ vegna kæru Miðvíkur ehf.

Guðmundur Valur Guðmundsson, framkvæmdastjóri þróunarsviðs Vegagerðarinnar óskar eftir breytingu á Aðalskipulagi Ísafjarðarbæjar f.h. Vegagerðarinnar, vegna nýs Vestfjarðavegar um Dynjandisheiði.

Á fundi skipulags- og mannvirkjanefndar þann 12.feb. sl., var tekið fyrir erindi frá Verkís f.h. Sævars Hjörvarssonar og Halldóru Þórðardóttur, þar sem óskað er eftir því við Ísafjarðarbæ, að opnu svæði milli Seljalandsvegar 78 og 84 verði breytt í íbúðarsvæði þ.e.a.s. að íbúðarsvæði Í4 verði stækkað vegna umsóknar um lóð og byggingaráform á reitnum.
Með hliðsjón af bókun nefndar og meðfylgjandi fylgigögnum. Er umsagnar Veðurstofu óskað m.t.t. ofanflóða á reitnum.
Með vísun í bókun nefndar:
Jóhann Birkir Helgason sækir heimild, f.h. Halldóru Þórðardóttur og Sævars Óla Hjörvarssonar, til þess að breyta Aðalskipulagi Ísafjarðarbæjar 2008-2020 á svæðinu á milli
Seljalandsvegar 78 og 84 og gerð deiliskipulags. Sótt er um að breyta landnotkun úr opnu svæði í íbúðarsvæði. Fylgigögn eru erindisbréf dags. 27.des. sl.
Skipulags- og mannvirkjanefnd vísar til 29. gr. skipulagslaga nr. I23/2010 er það á ábyrgð sveitaféIaga að annast vinnslu aðaIskipulags.
Skipulags- og mannvirkjanefnd óskar eftir umsögn Veðurstofu vegna ofanflóða á reitnum.

Heiða Björk Birkisdóttir, formaður stjórnar Þorsteinshorns ehf., sem er eigandi jarðarinnar Hrauns á Ingjaldssandi sækir um framkvæmdaleyfi fyrir skógrækt í landi Hrauns á Ingjaldssandi. Meðfylgjandi eru gögn hvað varða skipulag skógræktarinnar í samstarfi við Skógræktina, sem og annað sem vert að nefna.
Fyrir liggur deiliskipulag að sumarhúsabyggð. Þau óska eftir að fá því breytt.

Ósk um deiliskipulagsbreytingu vegna raðhúsalóða við Tungubraut, Ísafirði. Með vísan í minnisblað skipulagsfulltrúa eftir að hafa rætt við eigendur Hrafnshóls og rýnt í húsnæðisáætlun Ísafjarðarbæjar.

Páll Gunnlaugsson sækir um endurnýjun á lóðarleigusamningi fyrir Engjaveg 3, Ísafirði. Fylgiskjöl eru undirrituð umsókn dags. 19. september 2019 og mæliblað Tæknideildar dags. 15. maí 2020.

Witold Wielgosz og Monika Wielgosz óskar eftir endurnýjun lóðaleigusamnings vegna fasteignar við Engjaveg 19, Ísafirði. Fylgiskjal er undirrituð umsókn dags. og mæliblað Tæknideildar 18.5. 2020.

Valur Richter f.h. Rörás ehf. sækir um að fá að byggja geymsluhúsnæði (stálgrindarhús) við Suðurtanga 4, en sú lóð er aðliggjandi þeirri lóð sem Rörás hefur nú þegar starfsemi.
Lóð nr. 4 er ætluð til bátahýsingar í tengslum við Neðstakaupstað skv. deiliskipulagi.

Skipulags- og mannvirkjanefnd óskaði eftir umsögn Isavia eftir seinasta fund nefndarinnar 15. apríl s.l. vegna hækkunar á leyfilegri hæð nýbyggingar að Suðurtanga 14, Ísafirði. Fylgiskjal er umsögn Isavia dags. 29. apríl 2020.

Lagt fram bréf Magnúsar Erlingssonar, sóknarprests, f.h. stjórnar Kirkjugarða Ísafjarðar, dags. 6. apríl sl., þar sem óskað er eftir því að sveitarfélagið leggi kirkjugarðinum á Réttarholti í Engidal til tvær landspildur svo stækka megi kirkjugarðinn.

Bæjarráð vísar málinu til skipulags- og mannvirkjanefndar.

Gunnar Þór Sigurðsson f.h. GG málningarþjónustu ehf., sækir um stöðuleyfi geymslugáms við Sindragötu 10 á Ísafirði. Fylgiskjal er undirrituð umsókn dags. 6. mars 2020.

Þorbjörn Steingrímsson sækir um stöðuleyfi geymslugáms við Stekkjargötu 33 í Hnífsdal. Fylgiskjal er undirrituð umsókn dags. 28. febrúar 2020 og skýringarmynd.

Umsögn um umsókn Leifs Bremnes, sem sótti um að fá land í fóstur við Engidalsá fyrir neðan Funa, barst frá Sigurði H. Árnasyni, forstöðumanns Náttúrustofu Vestfjarða með tölvupósti 4. maí s.l. Þar er bent á að eggjataka gæti haft neikvæð áhrif á fuglalíf á svæðinu. Einnig að svæði geti verið óhentugt út af lyktarmengun.