Skipulags- og mannvirkjanefnd - 405. fundur - 8. janúar 2014

1.

2012060046 - Ósk um stækkun lóðar Neðri Tungu 1 í Skutulsfirði

Erindi síðast á dagskrá umhverfisnefndar 4. júlí 2012.

Umhverfisnefnd samþykktir að breyta núgildandi lóðaleigusamning þannig að lóð verði stækkuð í samræmi við umsókn og kveðið verði á um umferð í gegnum lóðina í samræmi umsóknina.

2.

2013020007 - Grenjavinnsla 2013

Lögð fram skýrsla Félags refa- og minkaveiðimanna fyrir árið 2013.

Umhverfisnefnd felur sviðsstjóra umhverfis- og eignasviðs að leggja fram áætlun um átak í minkaveiðum. Umhverfisnefnd óskar eftir því að bæjarstjóri kanni aðkomu ríkisins að veiðum á ref og mink.

Valur Richter formaður Félags refa- og minkaveiðimanna í Ísafjarðarbæ mætti á fundinn undir þessum lið.

3.

2013090046 - Umsókn um lóð við Brjótinn, Suðureyri.

Á fundi umhverfisnefndar 9. október sl. var lagt fram erindi dags. 20. september sl. frá Elíasi Guðmundssyni fh. Fisherman, þar sem lögð er fram fyrirspurn um svæði við Brjótinn á Suðureyri.
Umhverfisnefnd óskaði álits hafnarstjórnar á erindinu.

Á fundi hafnarstjórnar var tekið fyrir erindi frá Jóhanni Birki Helgasyni er varðar umsókn Fisherman um tímabundna lóð við brjótinn á Suðureyri.

Hafnarstjórn bendir á að Brjóturinn er aflagt hafnarmannvirki og telur að málið heyri undir Umhverfisnefnd.

Umhverfisnefnd veitir bréfritara tímabundið leyfi til 5 ára til að setja upp afgirt svæði. Byggingarfulltrúa er falið að gera samning. Umhverfisnefnd leggur áherslu á að umgengni á svæðinu verði snyrtileg.

4.

2013120006 - Samþykkt um umgengni og þrifnað.

Erindi síðasta á dagskrá umhverfisnefndar 4. desember sl.

Umhverfisnefnd óskar eftir að Anton Helgason hjá Heilbrigðiseftirliti Vestfjarða mæti á næsta fund umhverfisnefndar.

5.

2010040016 - Nýtingaráætlun fyrir fyrir Ísafjarðardjúp og Jökulfirði.

Erindi síðast á dagskrá umhverfisnefndar 4. desember sl.

Umhverfisnefnd leggur til við bæjarstjórn að lýsing áætlunar um Nýtingaráætlun fyrir Ísafjarðardjúp og Jökulfirði 2014 - 2026, dags. 26.11.2013 verði samþykkt.

6.

2014010001 - Skipulagsstofnun - ýmsar tilkynningar 2014

Lagður fram til kynningar bæklingur frá Skipulagsstofnun fyrir almenning "Skipulag byggðar og mótun umhverfis - Hvernig getur þú haft áhrif?"
Bæklingurinn er upplýsingarit fyrir almenning um feril og framkvæmd skipulags og hvernig almenningur getur haft áhrif.

Lagt fram til kynningar. Umhverfisnefnd felur tæknideild að kynna bæklingin fyrir bæjarbúum á heimasíðu Ísafjarðarbæjar.

7.

2012100060 - Dynjandi 2013

Lögð fram tillaga að greinargerð ásamt umhverfisskýrslu og skipulagsskilmálum að deiliskipulagi fyrir Dynjanda í Arnarfirði,dags. 19. des 2013. Tillagan er unnin af Landform ehf.

Umhverfisnefnd leggur til við bæjarstjórn að deiliskipulagstillagan verði auglýst.

8.

2013060014 - Aðalskipulag Ísafjarðarbæjar 2008-2020 - breyting.

Lögð fram greinargerð dags. 25. nóvember 2013, frá Orkuveri ehf., að vatnsaflsvirkjunum í Hólsá, Kaldá og Þverá í Önundarfirði, ásamt skýrslum um gróður og fugla, fornleifakönnun og straumvötn í landi Hólsár, Kaldár og Fremri Breiðadals. Skýrslurnar eru unnar af Náttúrustofu Vestfjarða.

Umhverfisnefnd leggur til að vatnsaflsvirkjanirnar verði teknar inn í vinnu við breytingu á Aðalskipulagi Ísafjarðarbæjar 2008-2020.