Skipulags- og mannvirkjanefnd - 352. fundur - 25. maí 2011

Mættir: Albertína Elíasdóttir, formaður, Gísli Halldór Halldórsson, Marsellíus Sveinbjörnsson, Björn Davíðsson, Lína Björg Tryggvadóttir, Jóhann Birkir Helgason, sviðsstjóri umhverfis- og eignasviðs og Anna Guðrún Gylfadóttir, byggingarfulltrúi, sem jafnframt ritaði fundargerð.

Dagskrá:

1.      2011-05-0029 - Hlíðarvegur 6, Ísafirði.

Erindi dagsett 20. maí 2011, frá Elvari Reynissyni, þar sem óskað er eftir byggingarleyfi fyrir að hækka þak á húseigninni að Hlíðarvegi 6, Ísafirði, í samræmi við teikningar frá tækniþjónustu Vestfjarða.

Umhverfisnefnd samþykkir erindið, með fyrirvara um samþykki eigenda fasteigna á Hlíðarvegi 3, 5, 6, 7 og 8 og Túngötu 3 og 5, Ísafirði.

2.      2011-02-0059 - Deiliskipulag á Suðurtanga, Ísafirði.

Tekin fyrir lýsing deiliskipulags á Suðurtanga, Ísafirði.

Umhverfisnefnd samþykkir lýsingu deiliskipulags.

Lína Björg Tryggvadóttir verður fulltrúi umhverfisnefndar í skipulagshópi.

3.      2009-06-0058 - Deiliskipulag Tungudal, Skutulsfirði.

Tekin fyrir lýsing deiliskipulags í Tungudal.

Umhverfisnefnd samþykkir lýsingu deiliskipulagsins, en  að bæta inn í kaflann um lýsingu, að áhersla skuli lögð á gerð áningarstaða og göngustíga um dalinn og sett verði inn mynd af skipulagssvæðinu. Einnig verði tekin afstaða til mýrarboltans á svæðinu.

Gísli Halldór Halldórsson verður fulltrúi umhverfisnefndar í skipulagshópi.

4.      2011-03-0164 - Deiliskipulag í Reykjanesi við Ísafjarðardjúp.

Tekin fyrir lýsing deiliskipulags í Reykjanesi.

Umhverfisnefnd samþykkir lýsingu deiliskipulagsins.

Björn Davíðsson verður fulltrúi umhverfisnefndar í skipulagshópi.

5.      2010-04-0047 - Deiliskipulag á Suðureyri, Suðureyrarmalir.

Tekin fyrir lýsing deiliskipulags - Suðureyrarmalir í Súgandafirði.

Umhverfisnefnd samþykkir lýsingu deiliskipulagsins.

Albertína Elíasdóttir verður fulltrúi umhverfisnefndar í skipulagshópi.

6.      2009-12-0009 - Þingeyri. - Deiliskipulag.

Fundur verður haldinn með íbúum Þingeyrar vegna deiliskipulags í miðbæ Þingeyrar þann 7. júní 2011.

Umhverfisnefnd ásamt íbúasamtökunum Átak, sem er formlegt hverfisráð Þingeyrar, boða til fundar með íbúum Ísafjarðarbæjar þriðjudaginn 7. júní nk. kl. 20.00 í Félagsheimilinu á Þingeyri.

7.      2011-04-0052 - Deiliskipulag hjúkrunarheimilis á Torfnesi, Ísafirði.

Farið yfir stöðu mála við deiliskipulag vegna hjúkrunarheimilis á Ísafirði.

Umhverfisnefnd leggur til við bæjarstjórn að farið verði í deiliskipulagsvinnu vegna hjúkrunarheimilis á Torfnesi, Ísafirði.

8.      2011-05-0028 - Deiliskipulag vegna snjóflóðavarna undir Gleiðarhjalla, Skutulsfirði.

Erindi Jóhanns Birkir Helgasonar, sviðstjóra umhverfis - og eignasviðs er varðar deiliskipulagsvinnu vegna fyrirhugaðra framkvæmda við snjóflóða- og aurvarnargarða neðan Gleiðarhjalla, Skutulsfirði.

Umhverfisnefnd leggur til við bæjarstjórn að farið verði í deiliskipulagsvinnu vegna snjóflóðavarnargarða undir Gleiðarhjalla.

9.      Önnur mál.

    Rædd voru umferðaröryggismál í Ísafjarðarbæ.

    Tæknideild falið að útfæra framkvæmdir í samræmi við umræður á fundinum.

     Rædd garðyrkjumál í Ísafjarðarbæ.

     Rætt um umhirðu garða í eigu Ísafjarðarbæjar. Fram kom að vinna er hafin í Jónsgarði og á Austurvelli.

Fleira ekki gert, fundarbókun upp lesin og samþykkt.  Fundi slitið kl. 9:40.

Albertína Friðbjörg Elíasdóttir, formaður.

Gísli Halldór Halldórsson.                                   

Marsellíus Sveinbjörnsson.

Björn Davíðsson.                                                 

Jóhann Birkir Helgason, sviðsst. umhverfis - og eignasviðs.

Lína Björg Tryggvadóttir.                                    

Anna Guðrún Gylfadóttir, byggingarfulltrúi.