Fræðslunefnd - 354. fundur - 19. mars 2015

1.  

Verkefnalisti fræðslunefndar - 2014030064

Lagður fram verkefnalisti fræðslunefndar.

Lagt fram til kynningar

2.  

Samb.ísl.sveitarf. - Ýmis erindi og fundargerðir 2015 - 2015010049

Lagður er fram tölvupóstur Önnu Guðrúnar Björnsdóttur, f.h. Sambands íslenskra sveitarfélaga, frá 8. janúar sl., þar sem komið er á framfæri ábendingum um málefni innflytjenda.

Fræðslunefnd frestar málinu til næsta fundar og óskar eftir frekari upplýsingum.

3.  

Ósk um framlag í formi hvatningar og styrks - 2015030044

Lagt fram bréf dagsett 11. febrúar 2015 frá Önnu Þóru Ísfold, framkvæmdarstjóra, fyrir hönd nýsköpunarkeppni grunnskóla, þar sem óskað er eftir fjárstuðningi.

Fræðslunefnd leggur til við bæjarstjórn að verkefnið verði styrkt og hvetur grunnskólana til þess að nýta sér þau tækiflæri sem nýsköpunarkeppni grunnskólanna býður upp á.

4.  

Fréttabréf grunnskóla 2014-2015 - 2014090072

Lögð fram fréttabréf frá Grunnskólanum á Ísafirði og Grunnskóla Önundarfjarðar.

Lagt fram til kynningar.

5.  

Gjöf til grunnskóla Ísafjarðarbæjar - 2015020118

Lagt fram bréf, dagsett 23. maí 2015, frá Vilhelmínu Guðmundsdóttur, þar sem hún gefur peningagjöf til að kaupa á fræðsluefni um einelti og afleiðingar þess.

Fræðslunefnd þakkar Vilhelmínu höfðinglega gjöf og beinir því til grunnskóla Ísafjarðarbæjar að nýta hana í þeim anda sem hún er gefin.

6.  

Reglur um heimsóknir í leik- og grunnskóla - 2015030055

Lögð fram drög að reglum um heimsóknir og auglýsingar utanaðkomandi í leik- og grunnskóla Ísafjarðarbæjar.

Gerðar voru breytingar í samræmi við umræður á fundinum og verður skjalið aftur lagt fyrir fræðslunefnd þegar skólastjórnendur hafa farið yfir drögin.

7.  

Skólanámskrár leikskólanna - 2014120059

Lagðar fram skólanámskrár leikskólanna Sólborgar og Tjarnarbæjar.

Fræðslunefnd þakkar vandaðar námskrár og augljóslega mikil vinna sem liggur á bakvið þær.

8.  

Leikskóladeild fyrir 5 ára börn í Skutulsfirði, ungbarnadeild og fleiri lausnir í dagvistarmálum - 2013010070

Lagt fram minnisblað frá Margréti Halldórsdóttur, sviðsstjóra skóla- og tómstundasviðs Ísafjarðarbæjar, um heildstæða stefnu í leikskólamálum.

Lagt fram til kynningar.