Fræðslunefnd - 352. fundur - 8. janúar 2015

1.

2014030064 - Verkefnalisti fræðslunefndar

Lagður fram verkefnalisti fræðslunefndar.

Lagt fram til kynningar

2.

2015010002 - Handbók um öryggi og velferð barna í grunnskólum

Lagður fram tölvupóstur frá mennta- og menningarmálaráðuneyti frá 29. desember 2014, þar sem bent er á að á vef mennta- og menningarmáraráðuneytis (http://www.menntamalaraduneyti.is/menntamal/grunnskolar/oryggismal/) er komin út handbók um öryggi og velferð barna í grunnskólum.

Fræðslunefnd felur Skóla- og tómstundasviði að fara yfir núverandi öryggisáætlanir og samræma þær við handbók mennta- og menningarmálaráðuneytis.

3.

2014110015 - Stillum saman strengi

Margrét Halldórsdóttir, sviðsstjóri skóla- og tómstundasviðs, upplýsti nefndina um stöðuna á verkefninu Stillum saman strengi og lagði fram yfirlit yfir námsárangur haustið 2014.

Lagt fram til kynningar.

4.

2014120028 - Sumarlokun Eyrarskjóls og Sólborgar 2015

Lagt fram minnisblað, dagsett 16. desember 2014, frá Sigurlínu Jónasdóttur, skóla- og sérkennslufulltrúa þar sem óskað er eftir afstöðu fræðslunefndar til dagsetninga á sumarlokun Eyrarskjóls og Sólborgar sumarið 2015.
Málið var áður á dagskrá á 351. fundi fræðslunefndar.

Fræðslunefnd leggur til að sumarlokunin á Eyrarskjóli og Sólborg verði þannig að báðir leikskólarnir loka í tvær vikur, 20. júlí - 5. ágúst og foreldrar velji frí, þannig að öll börn taki 4 vikur samfelldar.

5.

2013010070 - Leikskóladeild fyrir 5 ára börn í Skutulsfirði, ungbarnadeild og fleiri lausnir í dagvistarmálum

Lagt fram minnisblað, dagsett 18. desember 2014, frá Margréti Halldórsdóttur, sviðsstjóra skóla- og tómstundasviðs, er varðar Eyrarsól, 5 ára deild, sem starfrækt hefur verið á sundhallarloftinu. Deildin var hugsuð sem úrræði vegna skorts á leikskólaplássum, yrði starfrækt í tvö ár og þá yrði málið endurskoðað. Óskað er eftir því að fræðslunefnd taki ákvörðun um hvort Eyrarsól verði rekin áfram og þá í hvaða mynd.
Málið var áður á dagskrá á 351. fundi fræðslunefndar.

Fræðslunefnd leggur til við bæjarstjórn að ekki verði starfrækt leikskóladeild á Eyrarsól leikskólaárið 2015-2016, þar sem ekki er sama þörf fyrir leikskólapláss og var þegar deildin var sett á laggirnar.

6.

2015010003 - Ósk um aukningu á stöðugildum við Tjarnarbæ

Lagt fram bréf, dagsett 5. janúar 2015, frá Svövu Rán Valgeirsdóttur leikskólastjóra á Tjarnarbæ, þar sem hún óskar eftir aukningu á stöðugildum um 87,5% stöðu.

Fræðslunefnd leggur til við bæjarstjórn að beiðnin verði samþykkt.