Fræðslunefnd - 320. fundur - 6. júní 2012

1.

2012060006 - Skóladagatöl 2012-2013.

Lögð fram skóladagatöl leikskólanna Sólborgar, Eyrarskjóls, Grænagarðs, Tjarnarbæjar og Laufáss fyrir skólaárið 2012-2013.

Lagt fram til kynningar.

2.

2012030054 - 5 vikna sumarlokun.

Lagðar fram niðurstöður úr könnun sem gerð var meðal foreldra leikskólabarna í byrjun maí 2012, um hvort að þeir þyrftu að nýta sér flutning milli leikskóla í 5 vikna sumarlokun leikskólanna og hvaða tímabil myndi henta þeim best til sumarlokunar leikskólanna.

Lagt fram til kynningar.

3.

2012030049 - Fréttabréf.

Lögð fram fréttabréf Gunnskólans á Ísafirði og Grunnskólans á Suðureyri.

Fræðslunefnd þakkar fyrir greinargóð fréttabréf.

4.

2012040035 - Skóladagatöl 2012-2013.

Lögð fram skóladagatöl Grunnskólans á Suðureyri, Grunnskóla Önundarfjarðar og Grunnskólans á Þingeyri fyrir skólaárið 2012-2013.

Fræðslunefnd samþykkir skóladagatöl Grunnskólans á Suðureyri, Grunnskóla Önundarfjarðar og Grunnskóla Þingeyrar fyrir skólaárið 2012-2013.

5.

2012040037 - Skólamötuneyti.

Lögð fram niðurstaða könnunar sem gerð var meðal foreldra barna í Grunnskólanum á Ísafirði, um notkun á skólamötuneytinu þar.

Fræðslunefnd leggur til að málinu verði frestað til næsta fundar og kallar eftir nánari upplýsingum um kostnað, annars vegar vegna þess ef fenginn yrði verktaki og hins vegar ef ráðinn yrði starfsmaður. Fram þarf að koma heildarkostnaður og kostnaður á máltíð, þannig að það sjáist að gæðaviðmiðum er haldið og hver sé kostnaðarmismunur við hvora aðferð.

6.

2010050008 - Jafnréttisáætlun.

Lögð fram drög að jafnréttisáætlun Ísafjarðarbæjar og starfsmarkmiðum jafnréttisstefnu 2012-2014 og óskað eftir umsögn frá nefndinni.

Fræðslunefnd gerir ekki athugasemdir við framlögð gögn.

7.

2011100063 - Skólavogin.

Lögð fram gögn um skólavogina þar sem sveitarfélagið þarf að taka ákvörðun um hvort það vilji taka þátt í verkefninu.

Fræðslunefnd leggur til að Ísafjarðarbær taki þátt í skólavoginni.

8.

2012060012 - Stuðningsfulltrúar veturinn 2012-2013.

Lagt fram bréf dagsett 4. júní 2012 frá Margréti Halldórsdóttur, sviðsstjóra skóla- og tómstundasviðs, þar sem fram kemur að borist hefur ósk frá Grunnskólanum á Ísafirði að fá 7,5 stöðugildi stuðningsfulltrúa næsta skólaár.

Fræðslunefnd samþykkir óskina um 7,5 stöðugildi stuðningsfulltrúa skólaárið 2012-2013 í Grunnskólanum á Ísafirði.