Fræðslunefnd - 257. fundur - 29. maí 2007

Mætt voru: Einar Pétursson, formaður, Kristín Hálfdánsdóttir, Kolbrún Sverrisdóttir og Gylfi Gíslason. Ingibjörg María Guðmundsdóttir, forstöðumaður Skóla- og fjölskylduskrifstofu og Kristín Ósk Jónasdóttir, grunnskólafulltrúi.


Elías Oddsson tilkynnti forföll, en enginn mætti í hans stað.


Fundarritari: Ingibjörg María Guðmundsdóttir.

Grunnskólamál.


Mættur áheyrnarfulltrúi Ellert Ö. Erlingsson f.h. skólastjóra. Sigríður Steinunn Axelsdóttir og Sigurður Hafberg f.h. kennara.

1. Ráðning yfirmanns Skóla- og fjölskylduskrifstofu.  2007-04-0051


Rætt um umsóknir um stöðu yfirmanns Skóla- og fjölskylduskrifstofu Ísafjarðarbæjar. Fjórir sóttu um stöðuna: Freydís Jóna Freysteinsdóttir, Margrét Geirsdóttir, Pétur Björnsson og Unnar Reynisson. Freydís Jóna dró umsókn sína til baka.


Fræðslunefnd leggur til við bæjarstjórn að Margrét Geirsdóttir verði ráðin í stöðu yfirmanns Skóla- og fjölskylduskrifstofu Ísafjarðarbæjar.


Gylfi Þór Gíslason og Kolbrún Sverrisdóttir mótmæla því ferli við ráðningu yfirmanns að tveir umsækjendanna voru ekki boðaðir í viðtal og fara fram á að almennt verði allir umsækjendur um störf hjá Ísafjarðarbæ boðaðir í viðtal þegar fjöldi umsækjenda er ekki óyfirstíganlegur.

Önnur mál.


2. Tónmenntaverkefni í GÍ.


Lagt fram bréf frá Jónu Benediktsdóttur, aðstoðarskólastjóra GÍ, dagsett 25. maí s.l. þar sem óskað er eftir 40-50% stöðuhlutfalli tónmenntakennara við skólann til viðbótar við fyrri úthlutun kennslustunda til GÍ. Ástæðan er að koma á sérstöku verkefni í 3. bekk sambærilegu því sem er í gangi í 5. bekk skólans.


Fræðslunefnd felur skólastjórum að útfæra tónmenntaverkefnin innan úthlutaðra kennslustunda skólans enda ekki ljóst af erindinu að það sé full reynt.

Fleira ekki gert og fundi slitið  kl. 17:05.

Einar Pétursson, formaður.


Kolbrún Sverrisdóttir.    


Kristín Hálfdánsdóttir.


Gylfi Þór Gíslason.    


Kristín Ósk Jónasdóttir, grunnskólafulltrúi.


Ingibjörg María Guðmundsdóttir, yfirm. Skóla- og fjölsk.skrifstofu.