Félagsmálanefnd - 281. fundur - 20. mars 2007

Mætt voru: Gísli H. Halldórsson, formaður, Hrefna R. Magnúsdóttir, Rannveig Þorvaldsdóttir, Ásthildur Gestsdóttir og Elín Halldóra Friðriksdóttir.  Jafnframt sátu fundinn Ingibjörg María Guðmundsdóttir, yfirmaður Skóla- og fjölskylduskrifstofu Ísafjarðarbæjar og Margrét Geirsdóttir, ráðgjafi Skóla- og fjölskylduskrifstofu.


Ingibjörg María Guðmundsdóttir ritaði fundargerð.

Þetta var gert:

1. Trúnaðarmál.


Trúnaðarmál rædd og færð til bókar í trúnaðarmálamöppu félagsmálanefndar.

2. Styrkbeiðni frá Sólstöfum Vestfjarða.  2007-02-0098.


Lagt fram bréf frá Sólstöfum Vestfjarða, systursamtökum Stígamóta, dagsett 12. febrúar 2007, þar sem óskað er eftir styrk að upphæð kr. 500.000,-, til þess að koma á fót ráðgjafaþjónustu fyrir þolendur kynferðisofbeldis.  Erindinu var vísað til félagsmálanefndar samkvæmt bókun á fundi bæjarráðs þann 19. febrúar 2007.


Félagsmálanefnd samþykkir að veita Sólstöfum Vestfjarða styrk að upphæð             kr. 120.000,-, sem nýst gæti t.d. til tölvukaupa.  Félagsmálanefnd fagnar því að kominn sé stuðningur til handa þolendum kynferðisofbeldis í sveitarfélaginu.


Ingibjörg María Guðmundsdóttir vék af fundi undir þessum lið.

3. Reglur Ísafjarðarbæjar um veitingu fjárhagsaðstoðar.


Fram haldið vinnu nefndarinnar við endurskoðun reglna um veitingu fjárhagsaðstoðar.

4. Önnur mál


Lögð fram til kynningar dagskrá ráðstefnu félagsmálaráðuneytis Mótun framtíðar. Félagsmálanefnd samþykkir að greiða ferðakostnað fulltrúa á ráðstefnuna 29.-30. mars n.k.

Fleira ekki gert, fundargerð upp lesin og samþykkt, fundi slitið kl. 17:53.

Gísli H. Halldórsson, formaður.


Elín Halldóra Friðriksdóttir.    


Rannveig Þorvaldsdóttir.    


Hrefna R. Magnúsdóttir.    


Ásthildur Gestsdóttir.         


Ingibjörg María Guðmundsdóttir,forstm. Skóla- og fjölskylduskrifstofu.    


Margrét Geirsdóttir, ráðgjafi.