Barnaverndarnefnd á norðanverðum Vestfjörðum - 95. fundur - 11. mars 2008

Mættir voru: Kristjana Sigurðardóttir formaður, Björn Jóhannesson og Barði Ingibjartsson. Kristrún Hermannsdóttir og Bryndís Friðgeirsdóttir boðuðu forföll sem og varamenn þeirra. Auk þeirra sátu fundinn Anna Valgerður Einarsdóttir starfsmaður Skóla- og fjölskylduskrifstofu og Margrét Geirsdóttir forstöðumaður Skóla- og fjölskylduskrifstofu. 


Fundarritari:  Anna V. Einarsdóttir.

1. Trúnaðarmál.


Trúnaðarmál rætt og fært til bókar í trúnaðarmálabók barnaverndarnefndar.

2. Meðferðarúrræði fyrir börn.   2008-02-0027.


Lagt fram bréf frá Barnaverndarstofu um innleiðingu á nýju meðferðarúrræði fyrir börn á aldrinum 12-17 ára sem eiga við hegðunarvanda að stríða og eru í vímuefnaneyslu og afbrotum.  Barnaverndarstofa óskar eftir áliti barnaverndarnefnda á gagnsemi þeirra meðferðarúrræða sem hafa verið notuð fram að þessu.  Starfsmaður hefur svarað erindinu.

3. Tilkynningar frá Neyðarlínu 112.   2007-10-0092.


Lagt fram til kynningar bréf frá Barnaverndarstofu um nýtt kerfi sem verður tekið upp hjá Neyðarlínunni á árinu þar sem að barnaverndarnefndir fá persónutengdan auðkennislykil.

4. Ársskýrsla Barnaverndarstofu.   2008-01-0094.


Lagt fram til kynningar bréf frá Barnaverndarstofu þar sem Barnaverndarstofa óskar eftir að barnaverndarnefndir skili samtölueyðublaði ársins 2007 fyrir 1. maí 2008.

Fleira ekki gert, fundarbókun upp lesin og samþykkt.  Fundi slitið kl. 11.20.

Kristjana Sigurðardóttir, formaður


Björn Jóhannesson.     


Barði Ingibjartsson. 


Margrét Geirsdóttir.                


Anna Valgerður Einarsdóttir.