Bæjarstjórn - 342. fundur - 10. apríl 2014

Fjarverandi aðalfulltrúar: Jóna Benediktsdóttir í hennar stað mætir Benedikt Bjarnason. Kristín Hálfdánsdóttir í hennar stað mætir Ingólfur Þorleifsson.

Dagskrá:

I.              Tillaga til 342. fundar bæjarstjórnar Ísafjarðarbæjar 10. apríl 2014.

          Til máls tók: Albertína F. Elíasdóttir, forseti.

       Umhverfisnefnd 410. fundur, 26. mars 2014.

2.       2012090004 - Leyfissvæði og rannsóknarleyfi fyrir Íslenska kalkþörunga­félagið í Arnarfirði.

  Lagt fram bréf. dags. 13. mars sl. frá Orkustofnun þar sem óskað er umsagnar á umsókn, Íslenska Kalkþörungafélagsins ehf., um viðbætur og framlengingu á leyfi til leitar og rannsókna á kalkþörungaseti á hafsbotni.

  Umhverfisnefnd áréttar að hún telur mikilvægt að Ísafjarðarbær öðlist skipulagsvald yfir strandsvæðum sínum út að einni sjómílu frá grunnlínupunktum en gerir ekki athugasemdir við fyrrgreinda rannsóknastarfsemi enda hafi hún ekki áhrif á framtíðarstarfsemi svæðisins.

Albertína F. Elíasdóttir, forseti, ber tillögu umhverfisnefndar til atkvæða.

Tillaga umhverfisnefndar samþykkt 9-0.

II.           Tillaga til 342. fundar bæjarstjórnar Ísafjarðarbæjar 10. apríl 2014. 

Til máls tóku: Albertína F. Elíasdóttir, forseti, Sigurður Pétursson, Arna Lára Jónsdóttir, Gísli Halldór Halldórsson.

       Umhverfisnefnd 410. fundur, 26. mars 2014.

7.       2012030090 - Grunnskólinn á Ísafirði 2012-2013.                                                 

Lögð fram tillaga að deiliskipulagsbreytingu fyrir Austurveg. Tillagan er unnin af Teiknistofunni Eik dags. í september 2013.

  Umhverfisnefnd leggur til við bæjarstjórn að deiliskipulagstillagan verði auglýst með þeim breytingum sem ræddar voru á fundinum.

Albertína F. Elíasdóttir, forseti, ber tillögu umhverfisnefndar til atkvæða.

Tillaga umhverfisnefndar samþykkt 9-0.

III.        Tillaga til 342. fundar bæjarstjórnar Ísafjarðarbæjar 10. apríl 2014.

          Til máls tók: Albertína F. Elíasdóttir, forseti.

Bæjarráð, 835. fundur, 31. mars 2014.

10.              Færanleg salerni á Ísafjarðarhöfn. 2014-02-0075.

Lagður er fram viðauki nr. 4 við fjárhagsáætlun vegna færanlegra salerna.

Bæjarráð leggur til við bæjarstjórn að viðaukinn verði samþykktur.

Albertína F. Elíasdóttir, forseti, ber tillögu bæjarráðs til atkvæða.

Tillaga bæjarráðs samþykkt 9-0.

IV.        Tillaga til 342. fundar bæjarstjórnar Ísafjarðarbæjar 10. apríl 2014.

          Til máls tók: Albertína F. Elíasdóttir, forseti.

       Bæjarráð, 835. fundur, 31. mars 2014.

11.              Snjómokstur 2014. 2013-06-0033.

Lagt er fram bréf Jóhanns Birkis Helgasonar, sviðsstjóra, dags. 25. mars 2014 og viðauki nr. 5 við fjárhagsætlun.

Bæjarráð leggur til við bæjarstjórn að viðaukinn verði samþykktur.

Albertína F. Elíasdóttir, forseti, ber tillögu bæjarráðs til atkvæða.

Tillaga bæjarráðs samþykkt 9-0.

V.           Tillaga til 342. fundar bæjarstjórnar Ísafjarðarbæjar 10. apríl 2014.

          Til máls tóku: Albertína F. Elíasdóttir, forseti, Sigurður Pétursson, Gísli Halldór Halldórsson.

Fræðslunefnd, 343. fundur, 26. mars 2014.

6.         Ósk um aukningu á stöðugildum á Grænagarði. 2014-03-0062.

Lagt fram bréf, dagsett 24. mars 2014, frá Maríu Valberg, skólastjóra leikskólans Grænagarðs, þar sem óskað er eftir aukningu á stöðugildum um 0,75. Einnig er óskað eftir að opnunartíminn verði lengdur og verði 07:45-16:15.

Fræðslunefnd leggur til að ráðinn verði starfsmaður í 0,75 stöðugildi og að opnunartíminn verði lengdur til 16.15.

Albertína F. Elíasdóttir, forseti, ber tillögu fræðslunefndar til atkvæða.

Tillaga fræðslunefndar samþykkt 9-0.

VI.        Tillaga til 342. fundar bæjarstjórnar Ísafjarðarbæjar 10. apríl 2014.

          Til máls tók: Albertína F. Elíasdóttir, forseti, Arna Lára Jónsdóttir, Kristján Andri Guðjónsson, Gísli Halldór Halldórsson.

Umhverfisnefnd, 411. fundur, 8. apríl 2014.

7.         Rekstrarleyfi til laxeldis í Arnarfirði – 2011020012

Tekið fyrir bréf Skipulagsstofnunar dags. 19. mars 2014 ásamt tillögu að matsáætlun dags. í febrúar 2014, þar sem óskað er eftir umsögn ísafjarðarbæjar á tillögu að matsáætlun vegna aukinnar framleiðslu á laxi í sjókvíum í Arnarfirði um 7.000 tonn skv. 2. mgr. 8. gr. laga nr. 106/2000 og 15. gr. reglugerðar nr. 1123/2005

Umhverfisnefnd bendir á að tillaga að matsáætlun stangast á við nýtingaráætlun sveitarfélaganna fyrir strandsvæði Arnarfjarðar frá júní 2013, milli Hringsdals og Feigsdals, þar sem ekki er gert ráð fyrir fiskeldi undan strandlengju Ketildala. Umhverfisnefnd telur nauðsynlegt að vandað verði til viðtakamats (burðarþolsmats) á svæðinu.

Umhverfisnefnd áréttar að hún telur mikilvægt að Ísafjarðarbær öðlist skipulagsvald yfir strandsvæðum sínum út að einni sjómílu frá grunnlínupunktum.. 

Albertína F. Elíasdóttir, forseti, leggur umsögn umhverfisnefndar til staðfestingar.

Tillaga umhverfisnefndar staðfest 9-0.

VII.     Tillaga til 342. fundar bæjarstjórnar Ísafjarðarbæjar 10. apríl 2014.

          Til máls tók: Albertína F. Elíasdóttir, forseti.

Umhverfisnefnd, 411. fundur, 8. apríl 2014.

8.         Sjókvíaeldi Dýrfisks ehf. – 2012030012

Tekið fyrir bréf Skipulagsstofnunar dags. 31. mars 2014 ásamt tillögu að matsáætlun dags. 13. mars 2014, þar sem óskað er eftir umsögn Ísafjarðarbæjar á tillögu að matsáætlun vegna framleiðslu á 4.000 tonnum af regnbogasilungi í Borgarfirði og 4.000 tonnum af regnbogasilungi í Trostansfirði skv. 2. mgr. 8. gr. laga nr. 106/2000 og 15. gr. reglugerðar nr. 1123/2005. 

Umhverfisnefnd bendir á að tillaga að matsáætlun er í samræmi við nýtingaráætlun sveitarfélagana fyrir strandsvæði Arnarfjarðar frá júní 2013. Umhverfisnefnd telur nauðsynlegt að vandað verði til viðtakamats (burðarþolsmats) á svæðinu.

Umhverfisnefnd áréttar að hún telur mikilvægt að Ísafjarðarbær öðlist skipulagsvald yfir strandsvæðum sínum út að einni sjómílu frá grunnlínupunktum.

Albertína F. Elíasdóttir, forseti, leggur umsögn umhverfisnefndar til staðfestingar.

Tillaga umhverfisnefndar staðfest 9-0.

VIII.  Tillaga til 342. fundar bæjarstjórnar Ísafjarðarbæjar 10. apríl 2014.

          Til máls tók: Albertína F. Elíasdóttir, forseti.

Umhverfisnefnd, 411. fundur, 8. apríl 2014.

9.         Endurnýjun Fossárvirkjunar – 2012080051

Tekið fyrir erindi Teiknistofunnar Eikar fh. Orkubús Vestfjarða, dags. 4. apríl 2014 þar sem lögð er fram tillaga að breytingu á deiliskipulagi fyrir Fossárvirkjun vegna fyrirhugaðra framkvæmda við virkjunina.

Umhverfisnefnd leggur til við bæjarstjórn að deiliskipulagstillagan verði auglýst.

Albertína F. Elíasdóttir, forseti, ber tillögu umhverfisnefndar til atkvæða.

Tillaga umhverfisnefndar samþykkt 9-0.

IX.        Tillaga til 342. fundar bæjarstjórnar Ísafjarðarbæjar 10. apríl 2014.

          Til máls tók: Albertína F. Elíasdóttir, forseti.

Umhverfisnefnd, 411. fundur, 8. apríl 2014.

12.              Dynjandi 2013-2014 (deiliskipulag) – 2012100060

Auglýsinga- og athugasemdafrestur vegna deiliskipulags við Dynjanda er liðinn, engin athugasemd barst við tillöguna og telst hún því samþykkt.

Umhverfisnefnd leggur til við bæjarstjórn að deiliskipulagið verði samþykkt óbreytt.

Albertína F. Elíasdóttir, forseti, ber tillögu umhverfisnefndar til atkvæða.

Tillaga umhverfisnefndar samþykkt 9-0.

X.           Tillaga til 342. fundar bæjarstjórnar Ísafjarðarbæjar 10. apríl 2014. 2013-12-0025

          Til máls tóku: Albertína F. Elíasdóttir, forseti, Arna Lára Jónsdóttir, Gísli Halldór Halldórsson, Daníel Jakobsson, Kristján Andri Guðjónsson, Daníel Jakobsson, bæjarstjóri.

Forseti bæjarstjórnar leggur til að gengið verði til samninga við Hjallastefnuna ehf. á grundvelli fyrirliggjandi draga að samningi.

Gísli Halldór Halldórsson gerir eftirfarandi breytingartillögu á 2. mgr. 6. gr. samningsins:

„Hjallastefnan skal veita leikskólaþjónustu alla virka daga ársins að frátöldu fjögurra vikna sumarleyfi og venjubundinnar lokunar vegna aðfangadags jóla, gamlársdags og skipulags- og námskeiðsdaga.“

Albertína F. Elíasdóttir, forseti, ber breytingartillögu Gísla Halldórs Halldórssonar til atkvæða.

Tillaga Gísla Halldórs samþykkt 7-0.

Albertína F. Elíasdóttir, forseti, ber tillögu forseta til atkvæða með breytingu.

Tillaga forseta staðfest 7-1.

Arna Lára situr hjá og gerir grein fyrir ástæðu þess:

„Í-listinn lagði til við bæjarstjórn í byrjun febrúar að farið yrði í formlegar viðræður við Hjallastefnuna þar sem stillt væri upp tveimur möguleikum. Annars vegar að Hjallastefnan ehf yfirtaki rekstur leikskólans Eyrarskjóls og hins vegar að gerður yrði samstarfssamningur við Hjallastefnuna ehf. sem felur í sér faglegan stuðning við starfsfólk Eyrarskjóls án þess að Hjallastefnan ehf. yfirtaki rekstur skólans. Þessi tillaga var felld af meirihluta bæjarstjórnar. 

Þar sem ég er ekki mikils talskona einkareksturs í skólakerfinu þá hefði ég viljað sjá þessum tveimur möguleikum stillt upp saman og tekið ákvörðun út frá þeim forsendum. Ég vil að stefna Hjallastefnunnar verði innleidd að fullu á Eyrarskjól en að rekstur skólans verði á forræði Ísafjarðarbæjar. Þess vegna sé ég mig knúna til að sitja hjá í þessari atkvæðagreiðslu.“

XI.        Atvinnumál á Þingeyri, umræður. 2014-04-0001.

          Til máls tóku: Albertína F. Elíasdóttir, forseti, Sigurður Pétursson, Daníel Jakobsson, Arna Lára Jónsdóttir, Kristján Andri Guðjónsson og Benedikt Bjarnason.

          Albertína F. Elíasdóttir leggur til að bæjarstjórn taki undir eftirfarandi bókun bæjarráðs frá 836. fundi og sé tekið á dagskrá með afbrigðum:

„Bæjarráð Ísafjarðarbæjar telur útilokað fyrir eigendur Vísis hf., að loka starfsstöðvum Vísis á Þingeyri, Húsavík og Djúpavogi, án samráðs við þá aðila sem málinu tengjast. Í ljósi þess hvernig til starfseminnar var stofnað er ekki rétt að Vísir hf. á Þingeyri taki þessa ákvörðun án samráðs við Ísafjarðarbæ og aðra hlutaðeigandi aðila.

Ef fyrirtæki ætla að eiga fullan þátttökurétt í samfélaginu þá eiga þau skilyrðislaust að sýna meiri samfélagslega ábyrgð en þarna birtist.

Þessi tíðindi ættu jafnframt að vera stjórnvöldum áminning um að gera þær breytingar sem þarf svo að  fiskveiðistjórnunarkerfið tryggi trausta atvinnu og byggð í landinu, eins og því er ætlað.“

Albertína F. Elíasdóttir, forseti ber tillöguna til samþykktar.

Tillagan samþykkt 9-0.

Albertína F. Elíasdóttir, forseti, leggur tillögu forseta til samþykktar.

Tillaga samþykkt 9-0.

2013-10-0009. Kristján Andri Guðjónsson lagði fram eftirfarandi tillögu að ályktun:

„Undirritaðir bæjarfulltrúar í bæjarstjórn Ísafjarðarbæjar mótmæla því sem komið hefur fram af hálfu Isavia að ekki sé til fjármagn til að laga Þingeyrarflugvöll svo að hann nýtist sem varaflugvöllur fyrir Ísafjarðaflugvöll. Nú nýlega var opinberað að Isavia hafi verið rekið með 3,2 milljarða króna hagnaði á síðasta rekstrarári. Því er það krafa okkar að strax verði farið í að laga Þingeyrarflugvöll. Öllu tali um að ekki sé til fjármagn er hér með vísað til föðurhúsanna.“

Albertína F. Elíasdóttur leggur til að tillaga Kristjáns Andra Guðjónssonar um ályktun verði tekin á dagskrá með afbrigðum.

Tillagan samþykkt 9-0.

Albertína F. Elíasdóttir, forseti, ber tillögu Kristjáns Andra Guðjónssonar að ályktun til atkvæða.

Ályktunin samþykkt 9-0.

XII.     Fundargerðir bæjarráðs.

            Til máls tóku: Albertína F. Elíasdóttir, forseti, Arna Lára Jónsdóttir, Daníel Jakobsson, bæjarstjóri og Benedikt Bjarnason.

Fundargerðin 24/3. 834. fundur.

Fundargerðin er í sjö liðum.

Fundargerðin 31/3. 835. fundur.

Fundargerðin er í þrettán liðum.

Fundargerðin 7/4. 836. fundur.

Fundargerðin er í níu liðum.

Fundargerðirnar lagðar fram kynningar.

XIII.  Fundargerð félagsmálanefndar.

            Til máls tók: Albertína F. Elíasdóttir, forseti.

Fundargerðin 25/3. 286. fundur.

Fundargerðin er í sjö liðum.

Fundargerðin lögð fram til kynningar.

XIV.  Fundargerð fræðslunefndar.

            Til máls tók: Albertína F. Elíasdóttir, forseti.

Fundargerðin 26/3. 343. fundur.

Fundargerðin er í átta liðum.

Fundargerðin lögð fram til kynningar.

XV.     Fundargerðir umhverfisnefndar.

            Til máls tók: Albertína F. Elíasdóttir, forseti.

Fundargerðin 26/3. 410. fundur.

Fundargerðin er í átta liðum.

Fundargerðin 8/4. 411. fundur.

Fundargerðin er í fimmtán liðum.

Fundargerðirnar lagðar fram til staðfestingar.

Fundargerðirnar staðfestar 9-0.

Fleira ekki gert, fundarbókun upp lesin og undirrituð.  Fundi slitið kl. 18:40.

Þórdís Sif Sigurðardóttir, bæjarritari

Albertína F. Elíasdóttir, forseti bæjarstjórnar

Arna Lára Jónsdóttir                                                            

Gísli Halldór Halldórsson

Benedikt Bjarnason                                                             

Ingólfur Þorleifsson

Sigurður Pétursson                                                               

Guðný Stefanía Stefánsdóttir

Kristján Andri Guðjónsson                                                  

Steinþór Bragason

Daníel Jakobsson, bæjarstjóri