Bæjarstjórn - 330. fundur - 20. júní 2013

Dagskrá:

I.	Tillaga frá 798. fundi bæjarráðs.	Starfsmannamál hjá Ísafjarðarbæ. 2013-06-0038.
II.	Tillaga frá 799. fundi bæjarráðs.	Atvinnumálastefna Ísafjarðarbæjar. 2010-08-0057.
III.	Tillaga frá 799. fundi bæjarráðs.	Leikskóladeild fyrir 5 ára börn. 2013-01-0070.
IV.	Tillaga frá 395. fundi umhverfisnefndar.	Deiliskipulag í Tungudal, Skutulsfirði. 2010-08-0007.
V.	Tillaga frá 395. fundi umhverfisnefndar.	Skipan starfshóps um nýtingu Tungudals og Seljalandsdals.
VI.	Starfshópur um framtíðarskipan Pollsins á Ísafirði.	Tillögur til bæjarstjórnar Ísafjarðarbæjar. 2012-04-0002.
VII.	Fundargerð(ir)	bæjarráðs 10/6. og 18/6.
VIII.	"	barnaverndarnefndar 6/6.
IX.	"	félagsmálanefndar 11/6.
X.	"	fræðslunefndar 5/6.
XI.	"	hafnarstjórnar 3/6.
XII.	"	íþrótta- og tómstundanefndar 10/6.
XIII.	"	nefndar um byggingu hjúkrunarheimilis á Ísafirði 4/6.
XIV.	"	umhverfisnefndar 5/6.
XV.	Tillaga frá Í-lista.	Nýr fulltrúi í félagsmálanefnd.
XVI.	Tillaga frá D-lista.	Nýr fulltrúi í fræðslunefnd.
XVII.	Tillaga frá D-lista.	Nýr aðalfulltrúi í barnaverndarnefnd og nýr varafulltrúi.
XVIII.	Tillaga frá B-lista.	Nýr varafulltrúi í umhverfisnefnd.
XIX.	Kosningar samkvæmt bæjarmálasamþykkt Ísafjarðarbæjar.	1) Forseti, 1. og 2. varaforseti. 2) Bæjarráð, 3 aðalmenn og 3 til vara. 3) Skrifarar, 2 aðalmenn og 2 til vara.
XX.	Sumarleyfi bæjarstjórnar 2013.

I. Tillaga til 330. fundar bæjarstjórnar Ísafjarðarbæjar 20. júní 2013.

Til máls tóku: Gísli H. Halldórsson, forseti, Daníel Jakobsson, bæjarstjóri, Arna Lára Jónsdóttir og Jóna Benediktsdóttir.

Bæjarráð Ísafjarðarbæjar 798. fundur 10. júní 2013.

10. Starfsmannamál. - Erindi Daníels Jakobssonar, bæjarstjóra. 2013-06-0038.

Bæjarstjóri gerði bæjarráði grein fyrir væntanlegum breytingum á mannahaldi og stöðugildum á skrifstofu Ísafjarðarbæjar.

Bæjarráð leggur til við bæjarstjórn að sameinuð verði störf sviðsstjóra stjórnsýslusviðs og fjármálasviðs og auglýst verði það starf, ásamt starfi fjármálastjóra, sem verði undirmaður sviðsstjóra stjórnsýslusviðs. Jafnframt verði auglýst 50% staða mannauðsstjóra.

Tillaga bæjarráðs samþykkt 9-0.

II. Tillaga til 330. fundar bæjarstjórnar Ísafjarðarbæjar 20. júní 2013.

Til máls tóku: Gísli H. Halldórsson, forseti, Jóna Benediktsdóttir, Arna Lára Jónsdóttir og Kristján Andri Guðjónsson.

Bæjarráð Ísafjarðarbæjar 799. fundur 18. júní 2013.

1. Bréf Atvinnuþróunarfélags Vestfjarða. – Atvinnumálastefna Ísafjarðarbæjar. 2010-08-0057.

Mættir á fund bæjarráðs undir þessum lið eru Shiran Þórisson og Jón Páll Hreinsson.

Lagt fram tölvubréf Shirans Þórissonar f.h. Atvest, dagsett 14. júní sl., ásamt lokadrögum að atvinnumálastefnu Ísafjarðarbæjar, dagsettum 13. júní sl., og samantekt frá vinnufundum með fulltrúum menningarmála og skapandi greina í Ísafjarðarbæ.

Bæjarráð samþykkir að leggja til við bæjarstjórn að drög að atvinnumálastefnu Ísafjarðarbæjar verði samþykkt með þeim breytingum sem ræddar voru á fundinum.

Tillaga bæjarráðs samþykkt 9-0.

III. Tillaga til 330. fundar bæjarstjórnar Ísafjarðarbæjar 20. júní 2013. 2013-01-0070.

Til máls tóku: Gísli H. Halldórsson, forseti, Daníel Jakobsson, bæjarstjóri, Jóna Benediktsdóttir, Sigurður Pétursson, Guðný Stefanía Stefánsdóttir, Arna Lára Jónsdóttir og Kristján Andri Guðjónsson.

Jóna Benediktsdóttir lagði fram svohljóðandi bókun frá Í-lista undir þessum lið dagskrár.

,,Ljóst hefur verið í nokkra mánuði að leysa þyrfti úr vanda vegna skorts á leikskólaplássum í sveitarfélaginu. Sú hugmynd að setja leikskóladeild í kjallara Hlífar II virtist vera góð og þjóna hagsmunum barna vel, en um hana náðist ekki samkomulag. Bæjarfulltrúar Í - lista telja að það hefði þjónað hagsmunum barna og foreldra næst best að fá færanlega kennslustofu við leikskólann Sólborg og það hefði átt að skoða þann kost samhliða tillögunni um Hlíf II, eins og samþykkt tillaga Í-lista frá 7.febrúar sl. gerði ráð fyrir. Ekki er hægt að sjá af fyrirliggjandi gögnum að sá möguleiki hafi verið skoðaður til hlítar þrátt fyrir ítrekaðar ábendingar þar um.

Nú er svo komið að tíminn er að renna frá okkur í þessu máli og því nauðsynlegt að grípa til aðgerða strax og þá er 2. hæð Sundhallar skásti kosturinn. Þar er þó að mörgu að hyggja og eitt stærsta verkefnið er að tryggja það að börnunum verði skapað gott útleiksvæði.

Teikningar hafa enn ekki verið lagðar fram til bæjarstjórnar til samþykktar vegna þessa og nú er aðeins rúmur mánuður til stefnu og ljóst að ekki verður mögulegt að vinna það með eins faglegum hætti og æskilegt væri.

Vinnan við lausn þessa máls hefur að mati minnihlutans verði ómarkviss og ekki tekið mið af öllum möguleikum í stöðunni, þannig að ekki er hægt að fullyrða, að um bestu lausn sé að ræða.

Bæjarfulltrúar Í - lista sitja því hjá við afgreiðslu þessa máls.“

Undirritað af Jónu Benediktsdóttur, Kristjáni Andra Guðjónssyni, Örnu Láru Jónsdóttur og Sigurði Péturssyni.

Gísli H. Halldórsson, forseti, lagð fram svohljóðandi bókun B og D-lista undir þessum lið dagskrár.

,,Það kom ekki á daginn fyrr en í lok maí að of mikil andstaða væri orðin við að nýta húsnæði bæjarins á Hlíf II, til að hýsa 5 ára leikskólabörn. Sviðsstjóri skóla- og tómstundasviðs sendi út minnisblað tveimur dögum eftir að þetta varð ljóst, eða þann 30. maí s.l.

Frá þeim tíma hefur verið unnið markvisst og skipulega að lausn málsins og haft samráð við málsaðila eins og frekast var unnt á þeim skamma tíma, sem orðinn var til stefnu. Búið er að skoða alla þá gagnrýni sem fram hefur komið og meirihlutinn hefur nú góða sannfæringu fyrir því að sú lausn sem lögð er til á 2. hæð Sundhallar sé traust.

Unnið hefur verið í tillögu vegna lóðar við grunnskólann og ætti að vera hægt að ljúka við samþykkt hennar í næstu viku, með sérstakri áherslu á að ljúka fyrst því er lýtur að leikskólalóð.

Meirihlutinn telur að ef málin eru skoðuð af sanngirni þá sjáist að bæjarfulltrúar hans hafi lagt mikla áherslu á að leysa öll þau mál sem upp hafa komið vegna dagvistunarmála í sveitarfélaginu, m.a. með hliðsjón af þeirri stefnu að 18 mánaða börn og eldri komist að í leikskólum sveitarfélagsins.“

Bæjarráð Ísafjarðarbæjar 799. fundur 18. júní 2013.

3. Greinargerð sviðsstjóra skóla- og tómstundasviðs. – Leikskóladeild fyrir 5 ára börn í Skutulsfirði. 2013-01-0070.

Margrét Halldórsdóttir mætti á fund bæjarráðs undir þessum lið.

Lögð fram greinargerð Margrétar Halldórsdóttur, sviðsstjóra skóla- og tómstundasviðs, dagsett 14. júní sl., um leikskóladeild fyrir 5 ára börn á 2. hæð Sundhallar Ísafjarðar, nauðsynlegar framkvæmdir sem þyrfti að fara í og kostnað sem þessu fylgir.

Bæjarráð leggur til við bæjarstjórn að opnuð verði leikskóladeild fyrir 5 ára börn í Skutulsfirði á 2. hæð Sundhallar á Ísafirði. Hugað verði vel að þeim athugasemdum sem fram hafa komið frá foreldrum og starfsfólki leikskóla.

Tillaga bæjarráðs með orðalagsbreytingu (2. hæð Sundhallar) samþykkt 5-0.

IV. Tillaga til 330. fundar bæjarstjórnar Ísafjarðarbæjar 20. júní 2013.

Til máls tóku: Gísli H. Halldórsson, forseti og Sigurður Pétursson.

Umhverfisnefnd Ísafjarðarbæjar 395. fundur 5. júní 2013.

7. 2010080007 - Smáhýsi í Tungudal, Skutulsfirði.

Tekin fyrir tillaga að breytingu á deiliskipulagi ,,Opið svæði í Tungudal", unnið af Sigurði Friðgeir. Tillagan gerir ráð fyrir byggingu á allt að 21 smáhýsi ásamt gerð göngustíga.

Umhverfisnefnd leggur til við bæjarstjórn að deiliskipulagstillagan verði auglýst.

Tillaga umhverfisnefndar samþykkt 8-0.

V. Tillaga til 330. fundar bæjarstjórnar Ísafjarðarbæjar 20. júní 2013.

Til máls tóku: Gísli H. Halldórsson, forseti og Albertína F. Elíasdóttir.

Gísli H. Halldórsson, forseti, lagði til að textinn ,,sem útivistarsvæði“ verði fellt niður í tillögu umhverfisnefndar. Tillaga forseta samþykkt 9-0.

Umhverfisnefnd Ísafjarðarbæjar 395. fundur 5. júní 2013. 2013-06-0078.

9. Önnur mál:

Umhverfisnefnd leggur til við bæjarstjórn að skipaður verði starfshópur um nýtingu Tungudals og Seljalandsdals.

Tillaga umhverfisnefndar þannig breytt samþykkt 9-0.

VI. Tillögur til 330. fundar bæjarstjórnar Ísafjarðarbæjar 20. júní 2013.

Til máls tók: Gísli H. Halldórsson, forseti.

Starfshópur um framtíðarskipan Pollsins á Ísafirði 26. apríl 2013.

Skýrsla til bæjarstjórnar. 2012-04-0002.

Gísli H. Halldórsson, forseti, leggur fram í bæjarstjórn tillögur í tólf liðum, er fram koma í skýrslu starfshóps um framtíðarskipan Pollsins á Ísafirði. Tillögurnar fylgdu gögnum 330. fundar bæjarstjórnar.

Tillögur starfshóps um framtíðarskipan Pollsins á Ísafirði samþykktar 9-0.

VII. Bæjarráð.

Til máls tóku: Gísli H. Halldórsson, forseti, Jóna Benediktsdóttir, Arna Lára Jónsdóttir, Daníel Jakobsson, bæjarstjóri og Kristján Andri Guðjónsson.,

Jóna Benediktsdóttir lagði fram svohljóðandi bókun Í-lista undir þessum lið dagskrár.

799. fundur bæjarráðs Ísafjarðarbæjar 16. liður.

,, Bæjarfulltrúar Í - lista leggja áherslu á að allar stöður, sem skapast eða losna hjá Ísafjarðarbæ, séu auglýstar lausar til umsóknar. Slíkt eykur líkur á jafnræði íbúanna gagnvart stjórnvaldinu og eykur möguleika á því að hæfasta fólkið fáist til starfa hverju sinni.“

Undirritað af Jónu Benediktsdóttur, Kristjáni Andra Guðjónssyni, Örnu Láru Jónsdóttur og Sigurði Péturssyni.

Fundargerðin 10/6. 798. fundur.

Fundargerðin er í tíu liðum.